Búgin Parlament Májilisiniń jalpy otyrysynda QR Prezidenti Qasym-Jomart Toqaev Premer-Ministr laýazymyna Asqar Maminniń taǵaiyndalýyna qatysty pikir bildirdi, habarlaidy "Ult aqparat".
Aita keteiik, jalpy otyrysta QR Premer-Ministri etip Asqar Uzaqbaiuly Mamindi taǵaiyndaýǵa kelisim berilsin degen qaýlynyń jobasy daýysqa qoiyldy. Qatysqan 99 depýtattyń 78 jaqtady, al 21 depýtat qalys qaldy.
«Shyn máninde óte qyzyq talqylaý boldy. Pikirtalas óte ashyq, anyq ári aiqyn boldy. Sondyqtan rizashylyǵymdy bildiremin», - dep toqtaldy Prezident Qasym-Jomart Toqaev.
Osy oraida Memleket basshysy eki fraktsiia, iaǵni «Aq jol» partiiasy men Qazaqsan Halyq partiiasy daýys berý kezinde qalys qalǵanyn eske salyp, qalys qalý – ol qarsy daýys emes ekenin aitty.
«Asqar Uzaqbaiulyn (Úkimet basshysyn) shyn júrekten quttyqtaimyn! Sizge úlken jaýapkershilik júktelip otyr. Sondyqtan jumysyńyz mardymdy, tabysty, jemisti bola bersin», - dedi Memleket basshysy.
Budan buryn habarlanǵandai, búgin Parlament Májilisiniń jalpy otyrysynda Úkimet basshysy laýazymyna Asqar Mamin bekitildi.
Eske sala keteiik, Elbasy Nursultan Nazarbaev ta osyǵan deiin «Nur Otan» partiiasy fraktsiiasynyń otyrysynda Úkimet basshysynyń kandidatýrasyna qatysty pikir bildirdi.
«Meniń oiymsha, sabaqtastyqty saqtaý kerek. Barlyq qiyndyqqa qaramastan, Úkimet óz jumysyn jaqsy atqardy. Basqa elderge qaraǵanda biz jaman nátije kórsetken joqpyz. Eger Prezident Asqar Uzaqbaiuly Mamindi usynsa, onda men fraktsiiadan onyń kandidatýrasyn qoldaýdy suraimyn», - dedi Nursultan Nazarbaev.
