بٷگٸن پارلامەنت مەجٸلٸسٸنٸڭ جالپى وتىرىسىندا قر پرەزيدەنتٸ قاسىم-جومارت توقاەۆ پرەمەر-مينيستر لاۋازىمىنا اسقار ماميننٸڭ تاعايىندالۋىنا قاتىستى پٸكٸر بٸلدٸردٸ, حابارلايدى "ۇلت اقپارات".
ايتا كەتەيٸك, جالپى وتىرىستا قر پرەمەر-مينيسترٸ ەتٸپ اسقار ۇزاقبايۇلى ماميندٸ تاعايىنداۋعا كەلٸسٸم بەرٸلسٸن دەگەن قاۋلىنىڭ جوباسى داۋىسقا قويىلدى. قاتىسقان 99 دەپۋتاتتىڭ 78 جاقتادى, ال 21 دەپۋتات قالىس قالدى.
«شىن مەنٸندە ٶتە قىزىق تالقىلاۋ بولدى. پٸكٸرتالاس ٶتە اشىق, انىق ەرٸ ايقىن بولدى. سوندىقتان ريزاشىلىعىمدى بٸلدٸرەمٸن», - دەپ توقتالدى پرەزيدەنت قاسىم-جومارت توقاەۆ.
وسى ورايدا مەملەكەت باسشىسى ەكٸ فراكتسييا, ياعني «اق جول» پارتيياسى مەن قازاقسان حالىق پارتيياسى داۋىس بەرۋ كەزٸندە قالىس قالعانىن ەسكە سالىپ, قالىس قالۋ – ول قارسى داۋىس ەمەس ەكەنٸن ايتتى.
«اسقار ۇزاقبايۇلىن (ٷكٸمەت باسشىسىن) شىن جٷرەكتەن قۇتتىقتايمىن! سٸزگە ٷلكەن جاۋاپكەرشٸلٸك جٷكتەلٸپ وتىر. سوندىقتان جۇمىسىڭىز ماردىمدى, تابىستى, جەمٸستٸ بولا بەرسٸن», - دەدٸ مەملەكەت باسشىسى.
بۇدان بۇرىن حابارلانعانداي, بٷگٸن پارلامەنت مەجٸلٸسٸنٸڭ جالپى وتىرىسىندا ٷكٸمەت باسشىسى لاۋازىمىنا اسقار مامين بەكٸتٸلدٸ.
ەسكە سالا كەتەيٸك, ەلباسى نۇرسۇلتان نازارباەۆ تا وسىعان دەيٸن «Nur Otan» پارتيياسى فراكتسيياسىنىڭ وتىرىسىندا ٷكٸمەت باسشىسىنىڭ كانديداتۋراسىنا قاتىستى پٸكٸر بٸلدٸردٸ.
«مەنٸڭ ويىمشا, ساباقتاستىقتى ساقتاۋ كەرەك. بارلىق قيىندىققا قاراماستان, ٷكٸمەت ٶز جۇمىسىن جاقسى اتقاردى. باسقا ەلدەرگە قاراعاندا بٸز جامان نەتيجە كٶرسەتكەن جوقپىز. ەگەر پرەزيدەنت اسقار ۇزاقبايۇلى ماميندٸ ۇسىنسا, وندا مەن فراكتسييادان ونىڭ كانديداتۋراسىن قولداۋدى سۇرايمىن», - دەدٸ نۇرسۇلتان نازارباەۆ.
