Memleket basshysynyń Jarlyǵymen Bolat Jumabekuly Baqaýov Pavlodar oblysynyń ákimi qyzmetinen bosatyldy, dep habarlaidy "Ult aqparat" Aqordaǵa silteme jasap.
Eske salaiyq, QR Ulttyq qaýipsizdik komiteti B.Baqaýovqa qatysty laýazymdyq ókilettigin asyra paidalaný faktisi boiynsha qylmystyq is qozǵaǵan bolatyn.
Keiin, Pavlodardyń mamandandyrylǵan tergeý soty ony eki aiǵa qamaýǵa alý týraly bultartpaý sharasyn sanktsiialady.
«Bolat Baqaýovqa QR Qylmystyq kodeksiniń 362-baby 4-bóligi 3-tarmaǵy boiynsha kúdik keltirilip otyr. Atalmysh bap mal-múlkin tárkilei otyryp, 5-ten 10 jylǵa deiin bas bostandyǵynan aiyrýdy, sondai-aq qandai da bir laýazymdy atqarý quqyǵyn ómir boiyna shekteýdi qarastyrady.
Prokýror Rýstam Sádýaqasov sottan aiyptalýshyny eki aiǵa nemese 16 naýryzǵa deiin qamaýda ustaýdy surady. Sebebi eks-ákim bostandyqta jazadan qashyp, bolmasa tergeý jumystaryna kedergi keltirýi múmkin.
Óz kezeginde, Bolat Baqaýov ózine taǵylyp otyrǵan aiyppen kelispeitinin aitty.
