مەملەكەت باسشىسىنىڭ جارلىعىمەن بولات جۇمابەكۇلى باقاۋوۆ پاۆلودار وبلىسىنىڭ ەكٸمٸ قىزمەتٸنەن بوساتىلدى, دەپ حابارلايدى "ۇلت اقپارات" اقورداعا سٸلتەمە جاساپ.
ەسكە سالايىق, قر ۇلتتىق قاۋٸپسٸزدٸك كوميتەتٸ ب.باقاۋوۆقا قاتىستى لاۋازىمدىق ٶكٸلەتتٸگٸن اسىرا پايدالانۋ فاكتٸسٸ بويىنشا قىلمىستىق ٸس قوزعاعان بولاتىن.
كەيٸن, پاۆلوداردىڭ مامانداندىرىلعان تەرگەۋ سوتى ونى ەكٸ ايعا قاماۋعا الۋ تۋرالى بۇلتارتپاۋ شاراسىن سانكتسييالادى.
«بولات باقاۋوۆقا قر قىلمىستىق كودەكسٸنٸڭ 362-بابى 4-بٶلٸگٸ 3-تارماعى بويىنشا كٷدٸك كەلتٸرٸلٸپ وتىر. اتالمىش باپ مال-مٷلكٸن تەركٸلەي وتىرىپ, 5-تەن 10 جىلعا دەيٸن باس بوستاندىعىنان ايىرۋدى, سونداي-اق قانداي دا بٸر لاۋازىمدى اتقارۋ قۇقىعىن ٶمٸر بويىنا شەكتەۋدٸ قاراستىرادى.
پروكۋرور رۋستام سەدۋاقاسوۆ سوتتان ايىپتالۋشىنى ەكٸ ايعا نەمەسە 16 ناۋرىزعا دەيٸن قاماۋدا ۇستاۋدى سۇرادى. سەبەبٸ ەكس-ەكٸم بوستاندىقتا جازادان قاشىپ, بولماسا تەرگەۋ جۇمىستارىنا كەدەرگٸ كەلتٸرۋٸ مٷمكٸن.
ٶز كەزەگٸندە, بولات باقاۋوۆ ٶزٸنە تاعىلىپ وتىرعان ايىپپەن كەلٸسپەيتٸنٸن ايتتى.
