Qazaqstan Respýblikasynyń Prezidenti Qasym-Jomart Toqaev qazaqstandyqtardy Konstitýtsiia kúnimen quttyqtady. Bul týraly "Ult aqparat" Prezidenttiń baspasóz qyzmetine silteme jasap habarlaidy.
***
Qurmetti otandastar!
Barshańyzdy Qazaqstan Respýblikasynyń Konstitýtsiiasy kúnimen quttyqtaimyn!
Halqymyzdyń zań ústemdigine, adamdardyń negizgi quqyqtary men bostandyqtaryn qamtamasyz etýge umtylysy tól tarihymyzda aiqyn kórinis tapqan.
Ozyq álemdik tájiribeni, tarihi jáne ulttyq dástúrlerdi arqaý etken Qazaqstan Konstitýtsiiasy halqymyzdyń birligi men memleket táýelsizdiginiń berik negizi sanalady.
Kelesi jyly Ata zańymyzdyń 25 jyldyǵyn atap ótemiz. Osy kezeń ishinde elimizdiń basty zańy jasampazdyq pen ilgerileýdiń kepiline ainaldy.
Qazaqstan tutas quqyqtyq jáne áleýmettik-ekonomikalyq júieni qalyptastyryp, jan-jaqty jańǵyrý jolyna tústi. Tuńǵysh Prezidentimiz – Elbasy Nursultan Ábishuly Nazarbaev usynǵan Ult jospary men institýtsionaldyq reformalar sonyń negizin quraidy.
Bizdiń maqsatymyz – ekonomikanyń sapaly ósimin jáne halyqtyń áleýmettik suranystaryn qamtamasyz etip, turmys deńgeiin arttyrý, sondai-aq memlekettiń saiasi júiesin jetildirý.
Ata zań azamattarymyzdyń múddesine qyzmet etip, elimizdi odan ári damytýǵa septigin tigize beredi.
Barlyq qazaqstandyqtarǵa zor densaýlyq, baq-bereke jáne tolaǵai tabys tileimin!
