Qazaqstan Prezidenti Qasym-Jomart Toqaev áleýmettik jelide uiymdastyrylǵan «Qandai kitap oqyp jatyrsyz?» chellendj-estafetasyna qoldaý bildirdi, dep habarlaidy "Ult aqparat".
Osy oraida, Memleket basshysy Instagram-daǵy paraqshasynda qazirgi ýaqytta oqyp jatqan kitaptar men gazet-jýrnaldardyń tizimimen bólisti.
«Qazirgidei eleń-alań ýaqytta barshańyzdyń kúndelikti tirshilikterińiz ózgeriske ushyraǵany belgili. Pandemiiadan qorǵanýdyń birden-bir joly – áleýmettik oqshaýlaný, iaǵni úide bolý ekenin jahan jurtshylyǵy moiyndap otyr. Árine, bul – ýaqytsha qubylys, ótpeli kezeń. Degenmen, osy ýaqytty barynsha tiimdi paidalaný – árbir adamnyń óz qolynda.
Sondyqtan, osy karantin kúnderi aqyn-jazýshylar, jýrnalister, mádeniet qairatkerleri jáne qatardaǵy azamattarymyz áleýmettik jelide «Qandai kitap oqyp jatyrsyz?» chellendj-estafetasyn uiymdastyrǵan eken. Bul bastamany tolyq qoldaimyn jáne osyndai igi isti qolǵa alǵan otandastaryma shynaiy rizashylyǵymdy bildiremin», - dep jazdy Prezident.
Q.Toqaev karantindegi altyn ýaqytty paidaly isterge jumsaǵan jón ekenin atap ótti.
«Shyn máninde, kitap oqý – rýhani kemeldenýdiń kózi desem artyq emes. Qazirgi ýaqyt – sekýnd saiyn jańarǵan aqparat zamany. Jalǵan derektiń, shyndyqqa janaspaityn qaýesetterdiń de tez tarap jatqanyn kórip otyrmyz. Sondyqtan, mundai jaǵdaiǵa meilinshe jol bermeý úshin altyn ýaqytymyzdy osyndai paidaly isterge jumsaǵanymyz jón.
Belgili aqyn, Qazaqstan Jazýshylar odaǵy basqarmasynyń tóraǵasy Ulyqbek Esdáýlettiń meniń atyma joldaǵan estafetasyn qabyldaimyn jáne osy kúnderi oqyp jatqan kitaptar men gazet-jýrnaldardyń tizimin usynamyn:
⠀
1. Júsip Balasaǵun. Qutty bilik.
2. Abai Qunanbaev. Hikmet kitábi. Kniga mýdrosti. Book of wisdom.
3. Winston Churchill. The Second World War. Volume III. The Grand Alliance.
4. Tursyn Jurtbai. Qunanbai.
5. Erlan Sydykov. Kýnanbai.
6. Adam Týz. Krah. Kak desiatiletie finansovyh krizisov izmenilo mir.
7. Alek Ross. Indýstrii býdýshego. The Industries of the future.
8. Kevin Kelli. Neizbejno. 12 tehnologicheskih trendov, kotorye opredeliaiýt nashe býdýshee.
9. Parag Khanna. The Future is Asian.
10. «Qazaq ádebieti», «Ana tili», «Turkistan» jáne t.b. gazetter, «Juldyz» jýrnaly.
⠀
Osy múmkindikti paidalanyp, bul estafetany barsha otandastaryma, ásirese, jastarǵa joldaimyn jáne osy ádebietterdi oqýǵa keńes beremin», - dedi Prezident.
