قازاقستان پرەزيدەنتٸ قاسىم-جومارت توقاەۆ ەلەۋمەتتٸك جەلٸدە ۇيىمداستىرىلعان «قانداي كٸتاپ وقىپ جاتىرسىز?» چەللەندج-ەستافەتاسىنا قولداۋ بٸلدٸردٸ, دەپ حابارلايدى "ۇلت اقپارات".
وسى ورايدا, مەملەكەت باسشىسى Instagram-داعى پاراقشاسىندا قازٸرگٸ ۋاقىتتا وقىپ جاتقان كٸتاپتار مەن گازەت-جۋرنالداردىڭ تٸزٸمٸمەن بٶلٸستٸ.
«قازٸرگٸدەي ەلەڭ-الاڭ ۋاقىتتا بارشاڭىزدىڭ كٷندەلٸكتٸ تٸرشٸلٸكتەرٸڭٸز ٶزگەرٸسكە ۇشىراعانى بەلگٸلٸ. پاندەمييادان قورعانۋدىڭ بٸردەن-بٸر جولى – ەلەۋمەتتٸك وقشاۋلانۋ, ياعني ٷيدە بولۋ ەكەنٸن جاھان جۇرتشىلىعى مويىنداپ وتىر. ەرينە, بۇل – ۋاقىتشا قۇبىلىس, ٶتپەلٸ كەزەڭ. دەگەنمەن, وسى ۋاقىتتى بارىنشا تيٸمدٸ پايدالانۋ – ەربٸر ادامنىڭ ٶز قولىندا.
سوندىقتان, وسى كارانتين كٷندەرٸ اقىن-جازۋشىلار, جۋرناليستەر, مەدەنيەت قايراتكەرلەرٸ جەنە قاتارداعى ازاماتتارىمىز ەلەۋمەتتٸك جەلٸدە «قانداي كٸتاپ وقىپ جاتىرسىز?» چەللەندج-ەستافەتاسىن ۇيىمداستىرعان ەكەن. بۇل باستامانى تولىق قولدايمىن جەنە وسىنداي يگٸ ٸستٸ قولعا العان وتانداستارىما شىنايى ريزاشىلىعىمدى بٸلدٸرەمٸن», - دەپ جازدى پرەزيدەنت.
ق.توقاەۆ كارانتيندەگٸ التىن ۋاقىتتى پايدالى ٸستەرگە جۇمساعان جٶن ەكەنٸن اتاپ ٶتتٸ.
«شىن مەنٸندە, كٸتاپ وقۋ – رۋحاني كەمەلدەنۋدٸڭ كٶزٸ دەسەم ارتىق ەمەس. قازٸرگٸ ۋاقىت – سەكۋند سايىن جاڭارعان اقپارات زامانى. جالعان دەرەكتٸڭ, شىندىققا جاناسپايتىن قاۋەسەتتەردٸڭ دە تەز تاراپ جاتقانىن كٶرٸپ وتىرمىز. سوندىقتان, مۇنداي جاعدايعا مەيلٸنشە جول بەرمەۋ ٷشٸن التىن ۋاقىتىمىزدى وسىنداي پايدالى ٸستەرگە جۇمساعانىمىز جٶن.
بەلگٸلٸ اقىن, قازاقستان جازۋشىلار وداعى باسقارماسىنىڭ تٶراعاسى ۇلىقبەك ەسدەۋلەتتٸڭ مەنٸڭ اتىما جولداعان ەستافەتاسىن قابىلدايمىن جەنە وسى كٷندەرٸ وقىپ جاتقان كٸتاپتار مەن گازەت-جۋرنالداردىڭ تٸزٸمٸن ۇسىنامىن:
⠀
1. جٷسٸپ بالاساعۇن. قۇتتى بيلٸك.
2. اباي قۇنانباەۆ. حيكمەت كٸتەبٸ. كنيگا مۋدروستي. Book of wisdom.
3. Winston Churchill. The Second World War. Volume III. The Grand Alliance.
4. تۇرسىن جۇرتباي. قۇنانباي.
5. ەرلان سىدىكوۆ. كۋنانباي.
6. ادام تۋز. كراح. كاك دەسياتيلەتيە فينانسوۆىح كريزيسوۆ يزمەنيلو مير.
7. الەك روسس. يندۋستريي بۋدۋششەگو. The Industries of the future.
8. كەۆين كەللي. نەيزبەجنو. 12 تەحنولوگيچەسكيح ترەندوۆ, كوتورىە وپرەدەليايۋت ناشە بۋدۋششەە.
9. Parag Khanna. The Future is Asian.
10. «قازاق ەدەبيەتٸ», «انا تٸلٸ», «Turkistan» جەنە ت.ب. گازەتتەر, «جۇلدىز» جۋرنالى.
⠀
وسى مٷمكٸندٸكتٸ پايدالانىپ, بۇل ەستافەتانى بارشا وتانداستارىما, ەسٸرەسە, جاستارعا جولدايمىن جەنە وسى ەدەبيەتتەردٸ وقۋعا كەڭەس بەرەمٸن», - دەدٸ پرەزيدەنت.
