QR Premer-Ministri Asqar Mamin men AQSh saýda ministri Ý. Ross AQSh Saýda palatasynyń janyndaǵy Qazaqstan-Amerika Iskerlik keńesiniń onlain ashylý rásimine qatysty, dep habarlaidy primeminister.kz saity.
Úkimet basshysy Amerika Qurama Shtattary Qazaqstannyń iri ekonomikalyq, saýda jáne investitsiialyq seriktesteriniń biri ekenin atap ótti. QR táýelsizdik alǵan jyldary AQSh-tan Qazaqstanǵa tikelei investitsiialar aǵyny $53 mlrd-tan nemese tartylǵan sheteldik kapitaldyń jalpy kóleminiń 15%-ynan asty.
Amerikanyń jetekshi kompaniialarynyń kóp bóligi QR ekonomikasynyń mashina jasaý, himiia, qurylys, IT jáne agroónerkásip, taý-ken metallýrgiiasy jáne munai-gaz sektorlarynda jumys isteidi.
Premer-Ministr Qazaqstan ekonomikasynyń qalpyna keltirý baǵytyna shyǵýyna orai álem naryqtaryndaǵy qazirgi daǵdarys aiasynda Úkimettiń QR-ǵa amerikalyq óndiristerdi tartý boiynsha jumystardy kúsheitýge nietti ekenin jetkizdi.
Úkimet basshysy naqty sektordyń turaqtylyǵynyń joǵary deńgeii aiasynda Qazaqstan ekonomikasynyń birshama básekege qabilettiliginiń artqanyn atap ótti.
Ulttyq ekonomikanyń turaqtylyǵyn jetekshi halyqaralyq nesie agenttikteri baǵalady. Moody’s, Fitch jáne S&P memlekettik qaryzdyń tómendigin, fiskaldy júieniń turaqtylyǵyn, Úkimet qabyldap jatqan daǵdarysqa qarsy sharalardyń tiimdiligin atap ótti.
Premer-Ministr Qazaqstannyń 2025 jylǵa deiingi Strategiialyq damý jospary, sheteldik kapitaldy tartýǵa targettelgen tásil jáne investitsiialyq ahýaldy odan ári jetildirý jónindegi sharalar týraly aitty.
«Investitsiialar tartý bizdiń jańa ekonomikalyq modelimiz úshin asa mańyzdy. Jańa sharalar QR investitsiialyq ahýalyna álemniń asa básekege qabiletti ekonomikalaryna sai kelýge múmkindik beredi», - dedi Mamin.
Óz kezeginde rásimde sóz sóilegen AQSh saýda ministri Ý. Ross, AQSh Saýda palatasynyń prezidenti T. Donahiý jáne Chevron kompaniiasynyń bas atqarýshy direktory M. Virt Qazaqstan-Amerika Iskerlik keńesiniń qurylýymen elder arasyndaǵy investitsiialyq yntymaqtastyqtyń sapaly jańa deńgeige shyǵatynyn atap ótti. Bul rette, amerikalyq biznes úshin qazaqstandyq ekonomikanyń turaqtylyǵy men tartymdylyǵy atap ótildi.
Telekópir rejimindegi is-sharaǵa jetekshi amerikalyq kompaniialardyń – Chevron, GE, Shell, J.P.Morgan Chase, Princeton Healthcare Alliance, Pfizer, Tyson Foods, IBM, Oracle, Facebook, Google, DuPont Pioneer jáne basqa da kásiporyndardyń 100-den astam ókilderi, AQSh Memlekettik departamentiniń, QR Úkimetiniń músheleri, «Samuryq-Qazyna» UÁQ» AQ, QR ulttyq kompaniialary men damý qorlarynyń basshylary, QR-nyń AQSh-taǵy elshileri E. Qazyhanov jáne AQSh-tyń QR-daǵy elshisi Ý. Mozer qatysty.
AQSh Saýda palatasy janyndaǵy Qazaqstan-Amerika Iskerlik keńesi (USKZBC) Qazaqstanda kommertsiialyq qyzmet júrgizetin amerikalyq kompaniialardy biriktiredi. Iskerlik keńestiń tóraǵasy bolyp Chevron kompaniiasynyń bas atqarýshy direktory M. Virt sailandy.
