قر پرەمەر-مينيسترٸ اسقار مامين مەن اقش ساۋدا مينيسترٸ ۋ. روسس اقش ساۋدا پالاتاسىنىڭ جانىنداعى قازاقستان-امەريكا ٸسكەرلٸك كەڭەسٸنٸڭ ونلاين اشىلۋ رەسٸمٸنە قاتىستى, دەپ حابارلايدى primeminister.kz سايتى.
ٷكٸمەت باسشىسى امەريكا قۇراما شتاتتارى قازاقستاننىڭ ٸرٸ ەكونوميكالىق, ساۋدا جەنە ينۆەستيتسييالىق سەرٸكتەستەرٸنٸڭ بٸرٸ ەكەنٸن اتاپ ٶتتٸ. قر تەۋەلسٸزدٸك العان جىلدارى اقش-تان قازاقستانعا تٸكەلەي ينۆەستيتسييالار اعىنى $53 ملرد-تان نەمەسە تارتىلعان شەتەلدٸك كاپيتالدىڭ جالپى كٶلەمٸنٸڭ 15%-ىنان استى.
امەريكانىڭ جەتەكشٸ كومپانييالارىنىڭ كٶپ بٶلٸگٸ قر ەكونوميكاسىنىڭ ماشينا جاساۋ, حيمييا, قۇرىلىس, IT جەنە اگروٶنەركەسٸپ, تاۋ-كەن مەتاللۋرگيياسى جەنە مۇناي-گاز سەكتورلارىندا جۇمىس ٸستەيدٸ.
پرەمەر-مينيستر قازاقستان ەكونوميكاسىنىڭ قالپىنا كەلتٸرۋ باعىتىنا شىعۋىنا وراي ەلەم نارىقتارىنداعى قازٸرگٸ داعدارىس اياسىندا ٷكٸمەتتٸڭ قر-عا امەريكالىق ٶندٸرٸستەردٸ تارتۋ بويىنشا جۇمىستاردى كٷشەيتۋگە نيەتتٸ ەكەنٸن جەتكٸزدٸ.
ٷكٸمەت باسشىسى ناقتى سەكتوردىڭ تۇراقتىلىعىنىڭ جوعارى دەڭگەيٸ اياسىندا قازاقستان ەكونوميكاسىنىڭ بٸرشاما بەسەكەگە قابٸلەتتٸلٸگٸنٸڭ ارتقانىن اتاپ ٶتتٸ.
ۇلتتىق ەكونوميكانىڭ تۇراقتىلىعىن جەتەكشٸ حالىقارالىق نەسيە اگەنتتٸكتەرٸ باعالادى. Moody’s, Fitch جەنە S&P مەملەكەتتٸك قارىزدىڭ تٶمەندٸگٸن, فيسكالدى جٷيەنٸڭ تۇراقتىلىعىن, ٷكٸمەت قابىلداپ جاتقان داعدارىسقا قارسى شارالاردىڭ تيٸمدٸلٸگٸن اتاپ ٶتتٸ.
پرەمەر-مينيستر قازاقستاننىڭ 2025 جىلعا دەيٸنگٸ ستراتەگييالىق دامۋ جوسپارى, شەتەلدٸك كاپيتالدى تارتۋعا تارگەتتەلگەن تەسٸل جەنە ينۆەستيتسييالىق احۋالدى ودان ەرٸ جەتٸلدٸرۋ جٶنٸندەگٸ شارالار تۋرالى ايتتى.
«ينۆەستيتسييالار تارتۋ بٸزدٸڭ جاڭا ەكونوميكالىق مودەلٸمٸز ٷشٸن اسا ماڭىزدى. جاڭا شارالار قر ينۆەستيتسييالىق احۋالىنا ەلەمنٸڭ اسا بەسەكەگە قابٸلەتتٸ ەكونوميكالارىنا ساي كەلۋگە مٷمكٸندٸك بەرەدٸ», - دەدٸ مامين.
ٶز كەزەگٸندە رەسٸمدە سٶز سٶيلەگەن اقش ساۋدا مينيسترٸ ۋ. روسس, اقش ساۋدا پالاتاسىنىڭ پرەزيدەنتٸ ت. دوناحيۋ جەنە Chevron كومپانيياسىنىڭ باس اتقارۋشى ديرەكتورى م. ۆيرت قازاقستان-امەريكا ٸسكەرلٸك كەڭەسٸنٸڭ قۇرىلۋىمەن ەلدەر اراسىنداعى ينۆەستيتسييالىق ىنتىماقتاستىقتىڭ ساپالى جاڭا دەڭگەيگە شىعاتىنىن اتاپ ٶتتٸ. بۇل رەتتە, امەريكالىق بيزنەس ٷشٸن قازاقستاندىق ەكونوميكانىڭ تۇراقتىلىعى مەن تارتىمدىلىعى اتاپ ٶتٸلدٸ.
تەلەكٶپٸر رەجيمٸندەگٸ ٸس-شاراعا جەتەكشٸ امەريكالىق كومپانييالاردىڭ – Chevron, GE, Shell, J.P.Morgan Chase, Princeton Healthcare Alliance, Pfizer, Tyson Foods, IBM, Oracle, Facebook, Google, DuPont Pioneer جەنە باسقا دا كەسٸپورىنداردىڭ 100-دەن استام ٶكٸلدەرٸ, اقش مەملەكەتتٸك دەپارتامەنتٸنٸڭ, قر ٷكٸمەتٸنٸڭ مٷشەلەرٸ, «سامۇرىق-قازىنا» ۇەق» اق, قر ۇلتتىق كومپانييالارى مەن دامۋ قورلارىنىڭ باسشىلارى, قر-نىڭ اقش-تاعى ەلشٸلەرٸ ە. قازىحانوۆ جەنە اقش-تىڭ قر-داعى ەلشٸسٸ ۋ. موزەر قاتىستى.
اقش ساۋدا پالاتاسى جانىنداعى قازاقستان-امەريكا ٸسكەرلٸك كەڭەسٸ (USKZBC) قازاقستاندا كوممەرتسييالىق قىزمەت جٷرگٸزەتٸن امەريكالىق كومپانييالاردى بٸرٸكتٸرەدٸ. ٸسكەرلٸك كەڭەستٸڭ تٶراعاسى بولىپ Chevron كومپانيياسىنىڭ باس اتقارۋشى ديرەكتورى م. ۆيرت سايلاندى.
