QR IIM Almatydaǵy "adamdy bólshektep tastaǵan" jol apatyn tekserýdi qaita qolǵa aldy, dep habarlaidy "Ult aqparat".
Bul týraly QR Ishki ister ministri Qalmuhambet Qasymov dialog.egov.kz elektrondy úkimet saityndaǵy blogynda jaýap berdi.
Ministr atalǵan jol apaty boiynsha qylmystyq isti toqtatý týraly sheshim buzylǵanyn habarlady.
Adam ólimine ákelgen jol apaty boiynsha qylmystyq isti Almaty qalalyq IID anyqtaý basqarmasy qaita qaraýǵa alyp, tergeý jumystaryn bastap ketti.
Munyń aldynda ministr atalǵan derek boiynsha qylmystyq is toqtatylǵanyn habarlaǵan edi.
Aita ketý kerek, jol apaty 30 shilde kúni túngi 2 shamasynda bolǵan.
19 jastaǵy jigit tizgindegen Mersedes kóligi ál-Farabi dańǵylymen shyǵysqa qarai kele jatyp, Seifýllin kóshesine jetpei jaiaý júrginshini qaǵyp ketedi. Sonyń saldarynan 48 jastaǵy er adam oqiǵa ornynda kóz jumdy. Aldyńǵy áinektiń synyqtaryna marqumnyń denesi ekige bólinip, keýde tusy kóliktiń ishinde qalyp qoiǵan. Al qol-aiaǵy jol ústinde shashylyp qaldy.
Atalǵan derek QR QK 345-babynyń 3-bólimimen, 347-babymen sotqa deiingi biryńǵai tergeý isi tizilimine tirkeldi.
