قر ٸٸم الماتىداعى "ادامدى بٶلشەكتەپ تاستاعان" جول اپاتىن تەكسەرۋدٸ قايتا قولعا الدى, دەپ حابارلايدى "ۇلت اقپارات".
بۇل تۋرالى قر ٸشكٸ ٸستەر مينيسترٸ قالمۇحامبەت قاسىموۆ dialog.egov.kz ەلەكتروندى ٷكٸمەت سايتىنداعى بلوگىندا جاۋاپ بەردٸ.
مينيستر اتالعان جول اپاتى بويىنشا قىلمىستىق ٸستٸ توقتاتۋ تۋرالى شەشٸم بۇزىلعانىن حابارلادى.
ادام ٶلٸمٸنە ەكەلگەن جول اپاتى بويىنشا قىلمىستىق ٸستٸ الماتى قالالىق ٸٸد انىقتاۋ باسقارماسى قايتا قاراۋعا الىپ, تەرگەۋ جۇمىستارىن باستاپ كەتتٸ.
مۇنىڭ الدىندا مينيستر اتالعان دەرەك بويىنشا قىلمىستىق ٸس توقتاتىلعانىن حابارلاعان ەدٸ.
ايتا كەتۋ كەرەك, جول اپاتى 30 شٸلدە كٷنٸ تٷنگٸ 2 شاماسىندا بولعان.
19 جاستاعى جٸگٸت تٸزگٸندەگەن مەرسەدەس كٶلٸگٸ ەل-فارابي داڭعىلىمەن شىعىسقا قاراي كەلە جاتىپ, سەيفۋللين كٶشەسٸنە جەتپەي جاياۋ جٷرگٸنشٸنٸ قاعىپ كەتەدٸ. سونىڭ سالدارىنان 48 جاستاعى ەر ادام وقيعا ورنىندا كٶز جۇمدى. الدىڭعى ەينەكتٸڭ سىنىقتارىنا مارقۇمنىڭ دەنەسٸ ەكٸگە بٶلٸنٸپ, كەۋدە تۇسى كٶلٸكتٸڭ ٸشٸندە قالىپ قويعان. ال قول-اياعى جول ٷستٸندە شاشىلىپ قالدى.
اتالعان دەرەك قر قك 345-بابىنىڭ 3-بٶلٸمٸمەن, 347-بابىمەن سوتقا دەيٸنگٸ بٸرىڭعاي تەرگەۋ ٸسٸ تٸزٸلٸمٸنە تٸركەلدٸ.
