Kaspii qubyr konsortsiýmynyń (KQK) teńiz terminaly aýdanynda ushqyshsyz ushý apparattarynyń (UUA) shabýylyna bailanysty munai tieý jumystary ýaqytsha toqtatyldy, dep habarlaidy ult.kz Qazaqstan Respýblikasy Energetika ministrligine silteme jasap.
Ministrliktiń málimetinshe, 30 shilde kúni Nissos Sifnos tankerine úshinshi ailaq arqyly munai tieý aiaqtalyp jatqan kezde tieý manifoldy aýdanynda drondar shabýyl jasaǵan. Osyǵan bailanysty qaýipsizdik maqsatynda KQK munai tieý operatsiialaryn aldyn ala toqtatý týraly sheshim qabyldaǵan.
Sonymen qatar, munai tieýge kezekte turǵan Marathi tankeri de KQK teńiz terminalynan 6–7 teńiz mili qashyqtyqta ushqyshsyz ushý apparattarynyń shabýylyna ushyraǵan.
Aldyn ala málimet boiynsha, oqiǵa saldarynan ekipaj músheleri zardap shekken joq. Sondai-aq munaidyń teńizge tógilýine jol berilmegen.
Shabýyldan keiin tutanǵan órt Kaspii qubyr konsortsiýmynyń úsh býksiriniń kómegimen tolyq sóndirildi. Qazirgi ýaqytta oqiǵanyń mán-jaiy anyqtalyp jatyr.
