Búgin fýtboldan Premer-liga komandalary arasyndaǵy el birinshiliginiń on tórtinshi týrynyń alǵashqy oiyn kúni aiaqtaldy, dep habarlaidy "Ult aqparat".
Atalǵan týrdaǵy alǵashqy oiynda «Qyzyljar» (Petropavl) men «Taraz» komandalary sheberlik baiqasty. Kezdesýde 2:2 esebi tirkeldi.
Tarazdyq klýb sapynan Nenad Adamovich 11, 37-minýttarda mergendik tanytty.
Oǵan alań ieleri qatarynan Darko Zorich 64, Álibek Qasym 90-minýttarda qos golmen jaýap berdi.
Almatylyq «Qairat» pen Qyzylordanyń «Qaisar» arasyndaǵy kezdesý taǵdyryn 33-minýtta almatylyq shabýylshy Hose Kante soqqan jalǵyz gol sheshti.
«Qairat» qarsylasyn 1:0 esebimen jeńdi.
Túrkistanda jergilikti «Turan» Taldyqorǵannyń «Jetisý» komandasyna 0:2 esebimen jol berdi.
Taldyqorǵandyq klýbtan Nurbergen Nurbol 51-minýtta mergendik tanytsa, 64-minýtta Aibar Jaqsylyqov penaltidi múlt jibergen joq.
Osylaisha «Jetisý» qatarynan úshinshi márte jeńiske jetti.
Endi 29 mamyrda «Ordabasy» (Shymkent) men «Shahter» (Qaraǵandy), «Kaspii» (Aqtaý) men «Astana» (Nur-Sultan), «Atyraý» men «Aqjaiyq» (Oral), «Tobyl» (Qostanai) men «Aqtóbe» kezdesedi.
