بٷگٸن فۋتبولدان پرەمەر-ليگا كوماندالارى اراسىنداعى ەل بٸرٸنشٸلٸگٸنٸڭ ون تٶرتٸنشٸ تۋرىنىڭ العاشقى ويىن كٷنٸ اياقتالدى, دەپ حابارلايدى "ۇلت اقپارات".
اتالعان تۋرداعى العاشقى ويىندا «قىزىلجار» (پەتروپاۆل) مەن «تاراز» كوماندالارى شەبەرلٸك بايقاستى. كەزدەسۋدە 2:2 ەسەبٸ تٸركەلدٸ.
تارازدىق كلۋب ساپىنان نەناد اداموۆيچ 11, 37-مينۋتتاردا مەرگەندٸك تانىتتى.
وعان الاڭ يەلەرٸ قاتارىنان داركو زوريچ 64, ەلٸبەك قاسىم 90-مينۋتتاردا قوس گولمەن جاۋاپ بەردٸ.
الماتىلىق «قايرات» پەن قىزىلوردانىڭ «قايسار» اراسىنداعى كەزدەسۋ تاعدىرىن 33-مينۋتتا الماتىلىق شابۋىلشى حوسە كانتە سوققان جالعىز گول شەشتٸ.
«قايرات» قارسىلاسىن 1:0 ەسەبٸمەن جەڭدٸ.
تٷركٸستاندا جەرگٸلٸكتٸ «تۇران» تالدىقورعاننىڭ «جەتٸسۋ» كومانداسىنا 0:2 ەسەبٸمەن جول بەردٸ.
تالدىقورعاندىق كلۋبتان نۇربەرگەن نۇربول 51-مينۋتتا مەرگەندٸك تانىتسا, 64-مينۋتتا ايبار جاقسىلىقوۆ پەنالتيدٸ مٷلت جٸبەرگەن جوق.
وسىلايشا «جەتٸسۋ» قاتارىنان ٷشٸنشٸ مەرتە جەڭٸسكە جەتتٸ.
ەندٸ 29 مامىردا «ورداباسى» (شىمكەنت) مەن «شاحتەر» (قاراعاندى), «كاسپيي» (اقتاۋ) مەن «استانا» (نۇر-سۇلتان), «اتىراۋ» مەن «اقجايىق» (ورال), «توبىل» (قوستاناي) مەن «اقتٶبە» كەزدەسەدٸ.
