Kaspii teńizindegi áskeri oqý-jattyǵý kezinde qaza tapqan áskeri qyzmetshilerge qatysty blogerdiń videosy áleýmettik jelide qyzý talqyǵa tústi, dep habarlaidy ult.kz.
Bloger óz videosynda oqý-jattyǵý kezinde bolǵan qaiǵyly jaǵdaiǵa bailanysty pikirin bildirgen. Alaida onyń kei sózderi jeli qoldanýshylarynyń narazylyǵyn týǵyzyp, jazba astynda syn pikirler kóbeigen.
«Men estigen kezde, Allaǵa shúkir, qandai keremet ólim dedim. Mundai ólimdi sahabalar ańsaǵan. Otandy qorǵap júrip sýǵa batyp ólgen potolok», - deidi ol.
Kópshilik qaraly kezeńde qaza tapqan áskeri qyzmetshiler men olardyń jaqyndary týraly sóz qozǵaǵanda ár sózge abai bolyp, marqumdardyń otbasylaryna qurmetpen qaraý qajet ekenin jazǵan.
Eske salaiyq, «Hazar qorǵany-2026» áskeri oqý-jattyǵýy kezinde Kaspii teńizinde 17 áskeri qyzmetshini sý alyp ketken. Úsh áskeri qyzmetshi qutqarylyp, 14 sarbaz qaza tapty. Sońǵy eki áskeri qyzmetshiniń denesi 25 qyrkúiekte tabylyp, izdeý jumystary aiaqtalǵany habarlandy.
Qazaqstan Prezidenti Qasym-Jomart Toqaev Mańǵystaý oblysynda qaza tapqan áskeri qyzmetshilerdiń otbasylaryna qaiǵyryp kóńil aitý jedelhattaryn joldady. Jedelhatty tabystaý kezinde Qorǵanys ministri Dáýren Qosanov qara jamylǵan otbasylarǵa kóńil aitty.
