QR Energetika ministri Bolat Aqsholaqov elde dizeldiń qansha qory baryn málim etti, dep habarlaidy QazAqparat.
«Elde janarmai qory jetkilikti bolǵanyna qaramastan, keibir óńirlerde dizel jetpei jatyr. Ásirese janarmai stansalarynda baiqalyp otyr. Qysqasha aitsaq, 24 tamyzdaǵy jaǵdai boiynsha, dizeldiń jiyntyq qory – 212,4 myń tonna. Bul munai bazalary men óńirlerge jóneltilip jatqan dizeldiń kólemi dep túsinýge bolady. Munsha qor 13 kúnge jetetinin aitqan edik.
Alaida, mynany túsindirip aitqymyz keledi. Janarmai qoryn kúnmen eseptep aitqanda, shuǵyl jaǵdaida tiep, jóneltýge bolatyn kólemdi aitamyz. Jalpy munai óńdeýshi zaýyttar shtattyq rejimde jumys istep tur. Dizelde, munai da kúndelikti óndirilip jatyr. Shildede 380 myń tonnadai dizel óndirilse, tamyzda 491 myń tonna óndirý josparlanǵan. Sonda tamyzdyń aiaǵyna qarai 288 myń tonna dizel qory bolady», - dedi vedomstvo basshysy.
Onyń aitýyna qaraǵanda, tamyz aiynda dizel tutyný kólemi 514 myń tonnaǵa deiin jetýi múmkin. Al óndiris kólemi 797 myń tonnaǵa jetýi kerek.
