قر ەنەرگەتيكا مينيسترٸ بولات اقشولاقوۆ ەلدە ديزەلدٸڭ قانشا قورى بارىن مەلٸم ەتتٸ, دەپ حابارلايدى قازاقپارات.
«ەلدە جانارماي قورى جەتكٸلٸكتٸ بولعانىنا قاراماستان, كەيبٸر ٶڭٸرلەردە ديزەل جەتپەي جاتىر. ەسٸرەسە جانارماي ستانسالارىندا بايقالىپ وتىر. قىسقاشا ايتساق, 24 تامىزداعى جاعداي بويىنشا, ديزەلدٸڭ جيىنتىق قورى – 212,4 مىڭ توننا. بۇل مۇناي بازالارى مەن ٶڭٸرلەرگە جٶنەلتٸلٸپ جاتقان ديزەلدٸڭ كٶلەمٸ دەپ تٷسٸنۋگە بولادى. مۇنشا قور 13 كٷنگە جەتەتٸنٸن ايتقان ەدٸك.
الايدا, مىنانى تٷسٸندٸرٸپ ايتقىمىز كەلەدٸ. جانارماي قورىن كٷنمەن ەسەپتەپ ايتقاندا, شۇعىل جاعدايدا تيەپ, جٶنەلتۋگە بولاتىن كٶلەمدٸ ايتامىز. جالپى مۇناي ٶڭدەۋشٸ زاۋىتتار شتاتتىق رەجيمدە جۇمىس ٸستەپ تۇر. ديزەلدە, مۇناي دا كٷندەلٸكتٸ ٶندٸرٸلٸپ جاتىر. شٸلدەدە 380 مىڭ تونناداي ديزەل ٶندٸرٸلسە, تامىزدا 491 مىڭ توننا ٶندٸرۋ جوسپارلانعان. سوندا تامىزدىڭ اياعىنا قاراي 288 مىڭ توننا ديزەل قورى بولادى», - دەدٸ ۆەدومستۆو باسشىسى.
ونىڭ ايتۋىنا قاراعاندا, تامىز ايىندا ديزەل تۇتىنۋ كٶلەمٸ 514 مىڭ تونناعا دەيٸن جەتۋٸ مٷمكٸن. ال ٶندٸرٸس كٶلەمٸ 797 مىڭ تونناعا جەتۋٸ كەرەك.
