Soltústik Qazaqstan oblysynyń turǵyndary Sarykól aýdanynyń politseilerine qutqarǵany úshin alǵys bildirdi, dep habarlaidy "Ult aqparat" oblystyq politsiia departamentiniń baspasóz qyzmetine silteme jasap.
«2021 jyldyń 28 qańtarynda túngi saǵat 3 shamasynda Sarykól aýdandyq politsiia bóliminiń kezekshi bólimine er adam habarlasyp, kómek surady. 24 jastaǵy jigit 27 qańtar kúni dosymen birge Sarykól kóline balyq aýlaýǵa kelgen. Sol kúni keshke aýa raiy nasharlai bastady. Boran túsip, balyqshylar úige jinala bastaǵanda kóligi buzylyp qalady. Balyqshylar kólden shyǵatyn joldy taba almaǵan. Politsiia bóliminiń kezekshi kapitany Jaslan Sultanov jedel túrde júk kóligin taýyp, izdeý jumystaryn uiymdastyrady», - deidi politsiianyń baspasóz qyzmetindegiler.
Politseiler Serik Tóleshov pen Janat Esmaǵambetov «GAZ 66» avtokóligin minip, balyqshylardy izdeýge shyǵady. Birer saǵattan soń olar kól ústinde turǵan «VAZ 21214» avtokóligin kóredi. Kólik ishinde betin aiaz qaryǵan balyqshylar kútip otyrdy. Politseiler synǵan kólikti tirkep, aýdan ortalyǵyna alyp keldi. Tońyp qalǵan soltústikqazaqstandyqtar politsiia bóliminde boi jylytty.
«SQO turǵyndary Dmitrii Shtyh pen Andrei Flitse aman saqtap qalǵan tártip saqshylaryna alǵys aityp, úilerine aman-esen jetti», delingen politsiia habarlamasynda.
