سولتٷستٸك قازاقستان وبلىسىنىڭ تۇرعىندارى سارىكٶل اۋدانىنىڭ پوليتسەيلەرٸنە قۇتقارعانى ٷشٸن العىس بٸلدٸردٸ, دەپ حابارلايدى "ۇلت اقپارات" وبلىستىق پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
«2021 جىلدىڭ 28 قاڭتارىندا تٷنگٸ ساعات 3 شاماسىندا سارىكٶل اۋداندىق پوليتسييا بٶلٸمٸنٸڭ كەزەكشٸ بٶلٸمٸنە ەر ادام حابارلاسىپ, كٶمەك سۇرادى. 24 جاستاعى جٸگٸت 27 قاڭتار كٷنٸ دوسىمەن بٸرگە سارىكٶل كٶلٸنە بالىق اۋلاۋعا كەلگەن. سول كٷنٸ كەشكە اۋا رايى ناشارلاي باستادى. بوران تٷسٸپ, بالىقشىلار ٷيگە جينالا باستاعاندا كٶلٸگٸ بۇزىلىپ قالادى. بالىقشىلار كٶلدەن شىعاتىن جولدى تابا الماعان. پوليتسييا بٶلٸمٸنٸڭ كەزەكشٸ كاپيتانى جاسلان سۇلتانوۆ جەدەل تٷردە جٷك كٶلٸگٸن تاۋىپ, ٸزدەۋ جۇمىستارىن ۇيىمداستىرادى», - دەيدٸ پوليتسييانىڭ باسپاسٶز قىزمەتٸندەگٸلەر.
پوليتسەيلەر سەرٸك تٶلەشوۆ پەن جانات ەسماعامبەتوۆ «گاز 66» اۆتوكٶلٸگٸن مٸنٸپ, بالىقشىلاردى ٸزدەۋگە شىعادى. بٸرەر ساعاتتان سوڭ ولار كٶل ٷستٸندە تۇرعان «ۆاز 21214» اۆتوكٶلٸگٸن كٶرەدٸ. كٶلٸك ٸشٸندە بەتٸن اياز قارىعان بالىقشىلار كٷتٸپ وتىردى. پوليتسەيلەر سىنعان كٶلٸكتٸ تٸركەپ, اۋدان ورتالىعىنا الىپ كەلدٸ. توڭىپ قالعان سولتٷستٸكقازاقستاندىقتار پوليتسييا بٶلٸمٸندە بوي جىلىتتى.
«سقو تۇرعىندارى دميتريي شتىح پەن اندرەي فليتسە امان ساقتاپ قالعان تەرتٸپ ساقشىلارىنا العىس ايتىپ, ٷيلەرٸنە امان-ەسەن جەتتٸ», دەلٸنگەن پوليتسييا حابارلاماسىندا.
