Qostanaidyń patrýldik politsiia qyzmetkerleri aýyl turǵynynyń sómkesin qaitaryp berdi, dep habarlaidy QazAqparat Qostanai oblysy Politsiia departamentiniń baspasóz qyzmetine silteme jasap.
Qostanai aýdanynyń Altyn dala aýylynyń turǵyny oblys ortalyǵynda avtobýsta ishinde million teńgesi bar sómkesin qaldyryp ketken.
«Baǵdat Ahmetov pen Medet Qoishyǵulov 16 qazan kúni sol aýdanda qyzmette bolǵan. Qaiyrbekov-Qorǵan qiylysynda «KAMAZ» avtokóliginiń júrgizýshisi Kenjebek Kádiev olardan kómek suraǵan. Er adam áieliniń habarlasyp, ishinde aqsha bar sómkeni avtobýsta qaldyryp ketkenin aityp bergen. Sómkeni qaldyryp ketkenin áiel tek úiine qaitar jolda ǵana baiqaǵan. Ol politseilerge marshrýt nómirin aitty. Birneshe minýttyń ishinde politseiler avtobýs júrgizýshisin anyqtap, sońǵy aialdamaǵa deiin jetken. Júrgizýshi sómkeni er adamǵa tapsyrdy», - dep túsindirdi vedomstvodan.
Kenjebek Kádiev tártip saqshylaryna jyldam kórsetilgen kómek úshin alǵys aitty.
