قوستانايدىڭ پاترۋلدٸك پوليتسييا قىزمەتكەرلەرٸ اۋىل تۇرعىنىنىڭ سٶمكەسٸن قايتارىپ بەردٸ, دەپ حابارلايدى قازاقپارات قوستاناي وبلىسى پوليتسييا دەپارتامەنتٸنٸڭ باسپاسٶز قىزمەتٸنە سٸلتەمە جاساپ.
قوستاناي اۋدانىنىڭ التىن دالا اۋىلىنىڭ تۇرعىنى وبلىس ورتالىعىندا اۆتوبۋستا ٸشٸندە ميلليون تەڭگەسٸ بار سٶمكەسٸن قالدىرىپ كەتكەن.
«باعدات احمەتوۆ پەن مەدەت قويشىعۇلوۆ 16 قازان كٷنٸ سول اۋداندا قىزمەتتە بولعان. قايىربەكوۆ-قورعان قيىلىسىندا «كاماز» اۆتوكٶلٸگٸنٸڭ جٷرگٸزۋشٸسٸ كەنجەبەك كەديەۆ ولاردان كٶمەك سۇراعان. ەر ادام ەيەلٸنٸڭ حابارلاسىپ, ٸشٸندە اقشا بار سٶمكەنٸ اۆتوبۋستا قالدىرىپ كەتكەنٸن ايتىپ بەرگەن. سٶمكەنٸ قالدىرىپ كەتكەنٸن ەيەل تەك ٷيٸنە قايتار جولدا عانا بايقاعان. ول پوليتسەيلەرگە مارشرۋت نٶمٸرٸن ايتتى. بٸرنەشە مينۋتتىڭ ٸشٸندە پوليتسەيلەر اۆتوبۋس جٷرگٸزۋشٸسٸن انىقتاپ, سوڭعى ايالداماعا دەيٸن جەتكەن. جٷرگٸزۋشٸ سٶمكەنٸ ەر ادامعا تاپسىردى», - دەپ تٷسٸندٸردٸ ۆەدومستۆودان.
كەنجەبەك كەديەۆ تەرتٸپ ساقشىلارىنا جىلدام كٶرسەتٸلگەن كٶمەك ٷشٸن العىس ايتتى.
