Qostanai oblysynda shekteý sharalary qaita engiziledi, dep habarlaidy "Ult aqparat" oblys ákiminiń baspasóz qyzmetine silteme jasap.
Búgin Qostanai oblysynyń ákimi Arhimed Muhambetov koronavirýstyq infektsiianyń taralýyna jol bermeý boiynsha jedel shtabty jinady. Otyrys barysynda karantindik sharalardy kúsheitý týraly sheshim qabyldandy. Sonymen aldaǵy kúnderden bastap mynadai shekteýler engizildi:
1. Kúndelikti shekteýler:
- qoǵamdyq tamaqtaný obektileriniń jumys rejimin saǵat 23.00 deiin qysqartý, 30 orynnan artyq adam qabyldamaý;
- daladaǵy attraktsiondardyń jumysyn toqtatý;
2. Demalys kúnderindegi shekteýler:
- qoǵamdyq kólik qozǵalysyna tyiym salý;
- aýdany 2000 sharshy metrden astam saýda obektileriniń, azyq-túlik sýpermarketteri men olardaǵy dárihanalardy qospaǵanda, saýda, oiyn-saýyq ortalyqtarynyń jumysyn toqtatý;
- azyq-túlik emes jáne jabyq azyq-túlik bazarlarynyń jumysyn toqtata turý;
- azyq-túlik emes taýarlardyń bólshek saýda obektileriniń jumys rejimin saǵat 10:00-den 20:00-ge deiin shekteý;
- fitnes-ortalyqtar men sporttyq-saýyqtyrý ortalyqtarynyń jumysyn toqtatý;
- qoǵamdyq monshalardyń, saýnalardyń jumysyn toqtata turý;
Bul shekteýler 20 qazan kúni saǵat 00.00-den bastap kúshine enedi.
Aita keteiik, búgingi tańda Qostanai oblysynda koronavirýs infektsiia boiynsha epidemiologiialyq jaǵdai turaqty.
