قوستاناي وبلىسىندا شەكتەۋ شارالارى قايتا ەنگٸزٸلەدٸ, دەپ حابارلايدى "ۇلت اقپارات" وبلىس ەكٸمٸنٸڭ باسپاسٶز قىزمەتٸنە سٸلتەمە جاساپ.
بٷگٸن قوستاناي وبلىسىنىڭ ەكٸمٸ ارحيمەد مۇحامبەتوۆ كوروناۆيرۋستىق ينفەكتسييانىڭ تارالۋىنا جول بەرمەۋ بويىنشا جەدەل شتابتى جينادى. وتىرىس بارىسىندا كارانتيندٸك شارالاردى كٷشەيتۋ تۋرالى شەشٸم قابىلداندى. سونىمەن الداعى كٷندەردەن باستاپ مىناداي شەكتەۋلەر ەنگٸزٸلدٸ:
1. كٷندەلٸكتٸ شەكتەۋلەر:
- قوعامدىق تاماقتانۋ وبەكتٸلەرٸنٸڭ جۇمىس رەجيمٸن ساعات 23.00 دەيٸن قىسقارتۋ, 30 ورىننان ارتىق ادام قابىلداماۋ;
- دالاداعى اتتراكتسيونداردىڭ جۇمىسىن توقتاتۋ;
2. دەمالىس كٷندەرٸندەگٸ شەكتەۋلەر:
- قوعامدىق كٶلٸك قوزعالىسىنا تىيىم سالۋ;
- اۋدانى 2000 شارشى مەتردەن استام ساۋدا وبەكتٸلەرٸنٸڭ, ازىق-تٷلٸك سۋپەرماركەتتەرٸ مەن ولارداعى دەرٸحانالاردى قوسپاعاندا, ساۋدا, ويىن-ساۋىق ورتالىقتارىنىڭ جۇمىسىن توقتاتۋ;
- ازىق-تٷلٸك ەمەس جەنە جابىق ازىق-تٷلٸك بازارلارىنىڭ جۇمىسىن توقتاتا تۇرۋ;
- ازىق-تٷلٸك ەمەس تاۋارلاردىڭ بٶلشەك ساۋدا وبەكتٸلەرٸنٸڭ جۇمىس رەجيمٸن ساعات 10:00-دەن 20:00-گە دەيٸن شەكتەۋ;
- فيتنەس-ورتالىقتار مەن سپورتتىق-ساۋىقتىرۋ ورتالىقتارىنىڭ جۇمىسىن توقتاتۋ;
- قوعامدىق مونشالاردىڭ, ساۋنالاردىڭ جۇمىسىن توقتاتا تۇرۋ;
بۇل شەكتەۋلەر 20 قازان كٷنٸ ساعات 00.00-دەن باستاپ كٷشٸنە ەنەدٸ.
ايتا كەتەيٸك, بٷگٸنگٸ تاڭدا قوستاناي وبلىسىندا كوروناۆيرۋس ينفەكتسييا بويىنشا ەپيدەميولوگييالىق جاعداي تۇراقتى.
