Oblys ákimdiginde koronavirýstyq infektsiianyń taralýyna jol bermeý jónindegi jedel shtabtyń kezekti otyrysy ótti, dep habarlaidy Qostanai oblysy ákiminiń baspasóz qyzmeti.
Jiyn barysynda Oblys ákimi Arhimed Muhambetov sońǵy kúnderi koronovirýstyq infektsiia boiynsha epidemiologiialyq jaǵdaidyń nasharlaǵanyn atap ótti. Karantindik sharalardy saqtaý monitoringiniń nátijeleri boiynsha, sondai-aq oblys aýmaǵynda KVI indetiniń ósýin eskere otyryp, jedel shtab osy jyldyń 18-30 maýsym aralyǵynda shekteý sharalaryn engizý jóninde sheshim qabyldady.
«Taldaý kórsetkendei infektsiianyń taralýyna áleýmettik, otbasylyq bailanystardyń artýy sebep bolyp otyr. Iaǵni adamdar maskany kimeidi, qashyqtyqty, jeke gigienany saqtamaidy. Sonymen qatar, óz qyzmetin qaita bastaǵan nysandarda sanitarlyq-dezinfektsiialyq rejim durys oryndalmaǵan. Sondai-aq kásipkerlerge úlken jaýapkershilik júkteledi. Olar qyzmetkerlerin qolǵappen, maskalarmen jáne basqa da qorǵanys quraldarymen qamtamasyz etý qajet», - dedi Arhimed Muhambetov.
Jalpy Qostanai oblysynyń aýmaǵynda COVID-19 infektsiiasynyń 247 jaǵdaiy tirkelgen.
Sonymen,oblys aýmaǵynda kelesi shekteý sharalary engizildi:
1. Osy jyldyń 19 maýsymynda saǵat 00.00 bastap 3 sanitarlyq beket ornatylady. Olar: «Qostanai – Áýliekól – Surǵan», «Qostanai – Rýdnyi», «Arqalyq – Amantoǵai» avtojoldarynda.
2. Attraktsiondar men sýburqaqtardyń, úrlemeli konstrýktsiialardyń (batýttar) jumysyna tyiym salý;
3. Karaoke barlardyń, biliard, boýling ortalyqtarynyń, tatý-salondardyń, massaj salondarynyń jumysyna tyiym salý;
4. HQKO-ǵa onlain rejiminde qyzmet kórsetýge kóshý, onlain rejiminde júzege asyrý múmkin emes qyzmetterdi jazý boiynsha saǵat 10-00-den 18-00-ge deiin;
5. Sulýlyq salondarynyń, shashtarazdardyń jumysyn tek jazý boiynsha 10-00-den 18-00-ge deiin shekteý;
6. Bilim berý ortalyqtarynyń jumysy, úiirmeler, balalardy damytý ortalyqtary 9-00-den 16-00-ge deiin (toltyrylýy 15 adamnan artyq emes);
7. Ónerkásip tobynyń taýarlaryn ótkizetin obektilerdiń jumysyn 20-00-ge deiin shekteý;
8. Azyq-túliktik jáne azyq-túliktik emes bazarlardyń jumysyn 10-00-den 16-00-ge deiin shekteý;
9. Memlekettik qyzmetshilerdiń 80%-yn «qashyqtyqtan» jumys nysanyna aýystyrý, selektorlyq rejimde jinalystar, keńester, seminarlar, konferentsiialar jáne beine konferentsiialar ótkizý.
Óńir basshysy kezekti ret oblys turǵyndaryn jeke qaýipsizdik sharalaryn saqtaýǵa shaqyrdy.
Buǵan deiin Qostanai oblysynyń trassalaryna blokpostar ornatylyp jatqany habarlandy.
