وبلىس ەكٸمدٸگٸندە كوروناۆيرۋستىق ينفەكتسييانىڭ تارالۋىنا جول بەرمەۋ جٶنٸندەگٸ جەدەل شتابتىڭ كەزەكتٸ وتىرىسى ٶتتٸ, دەپ حابارلايدى قوستاناي وبلىسى ەكٸمٸنٸڭ باسپاسٶز قىزمەتٸ.
جيىن بارىسىندا وبلىس ەكٸمٸ ارحيمەد مۇحامبەتوۆ سوڭعى كٷندەرٸ كورونوۆيرۋستىق ينفەكتسييا بويىنشا ەپيدەميولوگييالىق جاعدايدىڭ ناشارلاعانىن اتاپ ٶتتٸ. كارانتيندٸك شارالاردى ساقتاۋ مونيتورينگٸنٸڭ نەتيجەلەرٸ بويىنشا, سونداي-اق وبلىس اۋماعىندا كۆي ٸندەتٸنٸڭ ٶسۋٸن ەسكەرە وتىرىپ, جەدەل شتاب وسى جىلدىڭ 18-30 ماۋسىم ارالىعىندا شەكتەۋ شارالارىن ەنگٸزۋ جٶنٸندە شەشٸم قابىلدادى.
«تالداۋ كٶرسەتكەندەي ينفەكتسييانىڭ تارالۋىنا ەلەۋمەتتٸك, وتباسىلىق بايلانىستاردىڭ ارتۋى سەبەپ بولىپ وتىر. ياعني ادامدار ماسكانى كيمەيدٸ, قاشىقتىقتى, جەكە گيگيەنانى ساقتامايدى. سونىمەن قاتار, ٶز قىزمەتٸن قايتا باستاعان نىسانداردا سانيتارلىق-دەزينفەكتسييالىق رەجيم دۇرىس ورىندالماعان. سونداي-اق كەسٸپكەرلەرگە ٷلكەن جاۋاپكەرشٸلٸك جٷكتەلەدٸ. ولار قىزمەتكەرلەرٸن قولعاپپەن, ماسكالارمەن جەنە باسقا دا قورعانىس قۇرالدارىمەن قامتاماسىز ەتۋ قاجەت», - دەدٸ ارحيمەد مۇحامبەتوۆ.
جالپى قوستاناي وبلىسىنىڭ اۋماعىندا COVID-19 ينفەكتسيياسىنىڭ 247 جاعدايى تٸركەلگەن.
سونىمەن,وبلىس اۋماعىندا كەلەسٸ شەكتەۋ شارالارى ەنگٸزٸلدٸ:
1. وسى جىلدىڭ 19 ماۋسىمىندا ساعات 00.00 باستاپ 3 سانيتارلىق بەكەت ورناتىلادى. ولار: «قوستاناي – ەۋليەكٶل – سۇرعان», «قوستاناي – رۋدنىي», «ارقالىق – امانتوعاي» اۆتوجولدارىندا.
2. اتتراكتسيوندار مەن سۋبۇرقاقتاردىڭ, ٷرلەمەلٸ كونسترۋكتسييالاردىڭ (باتۋتتار) جۇمىسىنا تىيىم سالۋ;
3. كاراوكە بارلاردىڭ, بيليارد, بوۋلينگ ورتالىقتارىنىڭ, تاتۋ-سالونداردىڭ, ماسساج سالوندارىنىڭ جۇمىسىنا تىيىم سالۋ;
4. حقكو-عا ونلاين رەجيمٸندە قىزمەت كٶرسەتۋگە كٶشۋ, ونلاين رەجيمٸندە جٷزەگە اسىرۋ مٷمكٸن ەمەس قىزمەتتەردٸ جازۋ بويىنشا ساعات 10-00-دەن 18-00-گە دەيٸن;
5. سۇلۋلىق سالوندارىنىڭ, شاشتارازداردىڭ جۇمىسىن تەك جازۋ بويىنشا 10-00-دەن 18-00-گە دەيٸن شەكتەۋ;
6. بٸلٸم بەرۋ ورتالىقتارىنىڭ جۇمىسى, ٷيٸرمەلەر, بالالاردى دامىتۋ ورتالىقتارى 9-00-دەن 16-00-گە دەيٸن (تولتىرىلۋى 15 ادامنان ارتىق ەمەس);
7. ٶنەركەسٸپ توبىنىڭ تاۋارلارىن ٶتكٸزەتٸن وبەكتٸلەردٸڭ جۇمىسىن 20-00-گە دەيٸن شەكتەۋ;
8. ازىق-تٷلٸكتٸك جەنە ازىق-تٷلٸكتٸك ەمەس بازارلاردىڭ جۇمىسىن 10-00-دەن 16-00-گە دەيٸن شەكتەۋ;
9. مەملەكەتتٸك قىزمەتشٸلەردٸڭ 80%-ىن «قاشىقتىقتان» جۇمىس نىسانىنا اۋىستىرۋ, سەلەكتورلىق رەجيمدە جينالىستار, كەڭەستەر, سەمينارلار, كونفەرەنتسييالار جەنە بەينە كونفەرەنتسييالار ٶتكٸزۋ.
ٶڭٸر باسشىسى كەزەكتٸ رەت وبلىس تۇرعىندارىن جەكە قاۋٸپسٸزدٸك شارالارىن ساقتاۋعا شاقىردى.
بۇعان دەيٸن قوستاناي وبلىسىنىڭ تراسسالارىنا بلوكپوستار ورناتىلىپ جاتقانى حابارلاندى.
