Elorda irgesindegi Qosshy eldi mekeni qalaǵa qosyla ma? Bul saýalǵa búgin qala turǵyndarymen esep berý kezdesýinde elorda ákimi Altai Kólginov jaýap berdi, dep habarlaidy QazAqparat.
«Qosshy aýyl emes, úlken qala boldy. Biz Aqmola oblysy ákimdigimen tyǵyz jumys isteimiz. Ótken jyly karantin kezinde Qosshyny blok posttyń ishine qostyq. Nege? Óitkeni, turǵyndarynyń basym bóligi qalada jumys isteidi, oqidy, em alady. Búkil qyzmetterdiń barlyǵy qalada sizder úshin ashyq, ony eshkim shektemeidi. Tap osyndai Qosshy sekildi qalanyń mańaiynda birneshe eldi meken bar. Ýrbanizatsiia júiesinde aglomeratsiia degen bar. Iaǵni, úlken qalanyń tóńireginde qalashyqtar paida bolady. Ol zańdylyq», - dedi Altai Kólginov Qosshy eldi mekeni turǵynyń saýalyna orai.
Onyń aitynsha, qalanyń aýmaǵynda 16 turǵyn úi alaby bar. Olarda 300 myńǵa jýyq adam turady, máseleleri de jetkilikti.
Aqmola oblysy Nur-Sultan qalasymen birge tyǵyz jumys atqarady. Qazir qalaǵa qosatyn eshqandai jospar joq. Sebebi bizde qala aýmaǵyndaǵy turǵyn úi alaptarymen ainalysatyn máseleler jetkilikti. Óńir-qala bolyp birlese jumys atqarýǵa daiynbyz», - dedi Altai Kólginov.
