ەلوردا ٸرگەسٸندەگٸ قوسشى ەلدٸ مەكەنٸ قالاعا قوسىلا ما? بۇل ساۋالعا بٷگٸن قالا تۇرعىندارىمەن ەسەپ بەرۋ كەزدەسۋٸندە ەلوردا ەكٸمٸ التاي كٶلگٸنوۆ جاۋاپ بەردٸ, دەپ حابارلايدى قازاقپارات.
«قوسشى اۋىل ەمەس, ٷلكەن قالا بولدى. بٸز اقمولا وبلىسى ەكٸمدٸگٸمەن تىعىز جۇمىس ٸستەيمٸز. ٶتكەن جىلى كارانتين كەزٸندە قوسشىنى بلوك پوستتىڭ ٸشٸنە قوستىق. نەگە? ٶيتكەنٸ, تۇرعىندارىنىڭ باسىم بٶلٸگٸ قالادا جۇمىس ٸستەيدٸ, وقيدى, ەم الادى. بٷكٸل قىزمەتتەردٸڭ بارلىعى قالادا سٸزدەر ٷشٸن اشىق, ونى ەشكٸم شەكتەمەيدٸ. تاپ وسىنداي قوسشى سەكٸلدٸ قالانىڭ ماڭايىندا بٸرنەشە ەلدٸ مەكەن بار. ۋربانيزاتسييا جٷيەسٸندە اگلومەراتسييا دەگەن بار. ياعني, ٷلكەن قالانىڭ تٶڭٸرەگٸندە قالاشىقتار پايدا بولادى. ول زاڭدىلىق», - دەدٸ التاي كٶلگٸنوۆ قوسشى ەلدٸ مەكەنٸ تۇرعىنىڭ ساۋالىنا وراي.
ونىڭ ايتىنشا, قالانىڭ اۋماعىندا 16 تۇرعىن ٷي الابى بار. ولاردا 300 مىڭعا جۋىق ادام تۇرادى, مەسەلەلەرٸ دە جەتكٸلٸكتٸ.
اقمولا وبلىسى نۇر-سۇلتان قالاسىمەن بٸرگە تىعىز جۇمىس اتقارادى. قازٸر قالاعا قوساتىن ەشقانداي جوسپار جوق. سەبەبٸ بٸزدە قالا اۋماعىنداعى تۇرعىن ٷي الاپتارىمەن اينالىساتىن مەسەلەلەر جەتكٸلٸكتٸ. ٶڭٸر-قالا بولىپ بٸرلەسە جۇمىس اتقارۋعا دايىنبىز», - دەدٸ التاي كٶلگٸنوۆ.
