Kúz-qys kezeńinde táýligine koronavirýsty anyqtaýǵa arnalǵan 73 myń zerthanalyq zertteý júrgiziledi. Bul jaiynda QR Premer-Ministri Asqar Maminniń Májilis depýtattarynyń saýalyna bergen jaýabynda aitylǵan, dep habarlaidy "Ult aqparat".
Úkimet basshysynyń atap ótýinshe, qazirgi ýaqytta PTR testileý 134 zerthanada júrgiziledi. Onyń ishinde 26 zerthana sanitarlyq-epidemiologiialyq qyzmetterdiń, 69-y jekemenshik jáne 39-y meditsinalyq uiymdardyń bazasynda jumys istep tur. Testileý qýaty táýligine 67 248 taldamany quraidy.
«PTR-amplifikatordyń 20, DNQ men RNQ-ny bólýge arnalǵan avtomattandyrylǵan júieniń 20 birligi jetkizildi. «QDB-Lizing» AQ-pen 8 mobildi zerthanalyq keshen jetkizýge arnalǵan kelisimshart jasasý jumystary júrgizilip jatyr. Úkimet rezervinen 1 200 000 zertteýge arnalǵan test satyp alýǵa 13,8 mlrd teńge bólindi. Bul sharalar kúz-qys kezeńinde zerthanalyq zertteýler qýatyn táýligine 73 myńǵa deiin jetkizýge múmkindik beredi», - dedi Asqar Mamin.
