كٷز-قىس كەزەڭٸندە تەۋلٸگٸنە كوروناۆيرۋستى انىقتاۋعا ارنالعان 73 مىڭ زەرتحانالىق زەرتتەۋ جٷرگٸزٸلەدٸ. بۇل جايىندا قر پرەمەر-مينيسترٸ اسقار ماميننٸڭ مەجٸلٸس دەپۋتاتتارىنىڭ ساۋالىنا بەرگەن جاۋابىندا ايتىلعان, دەپ حابارلايدى "ۇلت اقپارات".
ٷكٸمەت باسشىسىنىڭ اتاپ ٶتۋٸنشە, قازٸرگٸ ۋاقىتتا پتر تەستٸلەۋ 134 زەرتحانادا جٷرگٸزٸلەدٸ. ونىڭ ٸشٸندە 26 زەرتحانا سانيتارلىق-ەپيدەميولوگييالىق قىزمەتتەردٸڭ, 69-ى جەكەمەنشٸك جەنە 39-ى مەديتسينالىق ۇيىمداردىڭ بازاسىندا جۇمىس ٸستەپ تۇر. تەستٸلەۋ قۋاتى تەۋلٸگٸنە 67 248 تالدامانى قۇرايدى.
«پتر-امپليفيكاتوردىڭ 20, دنق مەن رنق-نى بٶلۋگە ارنالعان اۆتوماتتاندىرىلعان جٷيەنٸڭ 20 بٸرلٸگٸ جەتكٸزٸلدٸ. «قدب-ليزينگ» اق-پەن 8 موبيلدٸ زەرتحانالىق كەشەن جەتكٸزۋگە ارنالعان كەلٸسٸمشارت جاساسۋ جۇمىستارى جٷرگٸزٸلٸپ جاتىر. ٷكٸمەت رەزەرۆٸنەن 1 200 000 زەرتتەۋگە ارنالعان تەست ساتىپ الۋعا 13,8 ملرد تەڭگە بٶلٸندٸ. بۇل شارالار كٷز-قىس كەزەڭٸندە زەرتحانالىق زەرتتەۋلەر قۋاتىن تەۋلٸگٸنە 73 مىڭعا دەيٸن جەتكٸزۋگە مٷمكٸندٸك بەرەدٸ», - دەدٸ اسقار مامين.
