Koronavirýstan jazylǵan adamǵa 6 aidan keiin vaktsina salýǵa bolady. QR DSM Sanitariialyq-epidemiologiialyq baqylaý komitetiniń vaktsinaǵa kónetin infektsiialardy baqylaý basqarmasynyń basshysy Nurshai Ázimbaeva onlain konferentsiia barysynda osylai dedi, dep habarlaidy "Ult aqparat".
«Koronavirýstyń kez kelgen formasymen aýyrǵan adamǵa 6 aidan keiin ǵana vaktsina salýǵa keńes beriledi. Sonymen qatar 6 aidan keiin de ol adamnyń jaǵdaiyna qaraý kerek. Eger adam koronavirýstan jazylǵannan keiin 6 ai ótkizip baryp qana vaktsina egýge bolady», - dedi Nurshai Ázimbaeva.
Onyń aitýynsha, ýaqyt aralyǵyndaǵy intervaldy saqtaý úshin 1 flakon arqyly vaktsina alǵan 5 adamnyń tizimi jasalady.
«Nelikten ekpege aldyn ala jazylý kerek? Óitkeni vaktsinanyń 1 flakony 5 adamǵa arnalǵan. Bul 5 adamnan bir ýaqytta birinen keiin biri vaktsina alady. Iaǵni, vaktsinanyń jaramdylyǵy buzylmas úshin ekpe kabinetine kirer esikte vaktsina alatyn kelesi adam (basqalarmen 1,5 metr aralyqta) turýǵa tiis. Jalpy vaktsina salynǵan adam 30 minýt boiy meditsinalyq baqylaýda bolady. Sonymen qatar ol adamǵa vaktsina alǵany týraly tańbalanǵan beidj beriledi», – dedi ol.
