كوروناۆيرۋستان جازىلعان ادامعا 6 ايدان كەيٸن ۆاكتسينا سالۋعا بولادى. قر دسم سانيتارييالىق-ەپيدەميولوگييالىق باقىلاۋ كوميتەتٸنٸڭ ۆاكتسيناعا كٶنەتٸن ينفەكتسييالاردى باقىلاۋ باسقارماسىنىڭ باسشىسى نۇرشاي ەزٸمباەۆا ونلاين كونفەرەنتسييا بارىسىندا وسىلاي دەدٸ, دەپ حابارلايدى "ۇلت اقپارات".
«كوروناۆيرۋستىڭ كەز كەلگەن فورماسىمەن اۋىرعان ادامعا 6 ايدان كەيٸن عانا ۆاكتسينا سالۋعا كەڭەس بەرٸلەدٸ. سونىمەن قاتار 6 ايدان كەيٸن دە ول ادامنىڭ جاعدايىنا قاراۋ كەرەك. ەگەر ادام كوروناۆيرۋستان جازىلعاننان كەيٸن 6 اي ٶتكٸزٸپ بارىپ قانا ۆاكتسينا ەگۋگە بولادى», - دەدٸ نۇرشاي ەزٸمباەۆا.
ونىڭ ايتۋىنشا, ۋاقىت ارالىعىنداعى ينتەرۆالدى ساقتاۋ ٷشٸن 1 فلاكون ارقىلى ۆاكتسينا العان 5 ادامنىڭ تٸزٸمٸ جاسالادى.
«نەلٸكتەن ەكپەگە الدىن الا جازىلۋ كەرەك? ٶيتكەنٸ ۆاكتسينانىڭ 1 فلاكونى 5 ادامعا ارنالعان. بۇل 5 ادامنان بٸر ۋاقىتتا بٸرٸنەن كەيٸن بٸرٸ ۆاكتسينا الادى. ياعني, ۆاكتسينانىڭ جارامدىلىعى بۇزىلماس ٷشٸن ەكپە كابينەتٸنە كٸرەر ەسٸكتە ۆاكتسينا الاتىن كەلەسٸ ادام (باسقالارمەن 1,5 مەتر ارالىقتا) تۇرۋعا تيٸس. جالپى ۆاكتسينا سالىنعان ادام 30 مينۋت بويى مەديتسينالىق باقىلاۋدا بولادى. سونىمەن قاتار ول ادامعا ۆاكتسينا العانى تۋرالى تاڭبالانعان بەيدج بەرٸلەدٸ», – دەدٸ ول.
