QR klinikalyq jáne irgeli meditsina akademigi, Asfendiiarov atyndaǵy QazUMÝ epidemiologiia kafedrasynyń professory Sáken Ámireev onlain brifing barysynda koronavirýske qarsy vaktsinanyń qorǵanysh kúshi qansha ýaqytqa jetetinin aitty, dep habarlaidy QazAqparat.
Spikerdiń aitýynsha, koronavirýsqa qarsy vaktsinanyń paida bolǵanyna kóp ýaqyt bolǵan joq, sondyqtan onyń qorǵanysh kúshi qansha ýaqytqa jetetinin eshkim naqty aita almaidy. Eń bastysy vaktsinanyń qorǵanysh kúshi bar.
«Qazir bizde salynyp jatqan ekpelerdiń qorǵanysh kúshi bar, ol tolyq anyqtalǵan. Alaida ekpe salǵan soń túziletin antidene qansha ýaqytqa jetetini belgisiz. Qorǵanys immýniteti bir nemese eki jylǵa jetedi dep eshkim naqty aita almaidy. Vaktsina óndirýshilerdiń ózi shamalap qana aitady. «Spýtnik V» vaktsinasy 2021 jyldyń basynda ǵana shyqty. Sondyqtan qazir vaktsina qansha ýaqytqa deiin qorǵaitynyn eshkim aita almaidy. Ol ýaqyt óte kele belgili bolady. Bastysy onyń qorǵanysh kúshi bar»,- dedi Sáken Ámireev.
Sonymen qatar, ol koronavirýstan qorǵanýdyń jalǵyz joly ekpe ekenin aitty.
«Qazir kúnde osy virýstan kóz jumyp jatqandar bar. Bul indettiń aldyn alý úshin vaktsina salǵan durys. Ǵalymdar aldaǵy ýaqytta bir ret salǵan soń ómir boiyna saqtaityn vaktsina jasap shyǵarady degen oidamyn, bul ázirge tek arman bolyp otyr»,-dedi professor.
