2020 jyldyń qańtar-jeltoqsan ailarynda qonaqúi, demalys úileri, motel jáne sol sekildi basqa da oryndardyń qyzmet kórsetýi 47,4 mlrd teńgeni qurap, byltyrǵy jylmen salystyrǵanda 48,5%-ǵa tómendedi, dep habarlaidy RANKING.KZ portaly.
Sektordaǵy ÓÓI (Ónerkásiptik óndiris indeksi) eki esege qysqaryp, bar bolǵany 50,2%-ǵa jetken.
Byltyrǵy jyldyń osy kezeńinde kórsetkish 92,1 mlrd teńgeni qurap, bir jyl burynǵy kórsetkishten 16,6%-ǵa asyp túsken bolatyn.
Ornalastyrý oryndary boiynsha qyzmet kórsetýdiń tórtten biri Almatyǵa tiesili: úsh toqsanda 11,5 mlrd tg, bir jyl burynǵymen salystyrǵanda eki ese az. Úzdik úshtiktiń qatarynda elorda (8 mlrd tg, minýs 58,5%) men Aqmola oblysy (4,5 mlrd tg, minýs 22,9%) bar.
Soltústik Qazaqstan eń az qyzmet kórsetken oblys: 450,7 mln tg, jylyna minýs 53,4%.
Jyl basynan beri qonaqúi, motel, kemping, týristik bazalar jáne basqalary 2,6 mln adamdy qabyldaǵan. Bir jyl burynǵymen salystyrǵanda 47,5% az.
Qonaqtardyń kóbi meiramhanasy bar qonaqúilerge toqtaǵan: 1,1 mln adam, jylyna minýs 48,1%. Taǵy 799,1 myń adam meiramhanasy joq qonaqúilerdi tańdasa, 437,7 myń adam bir qabatty býngalo, saiajai, kottedj ben páterlerge turaqtaǵan. Qonaqúi nómirleri 19,3%-ǵa tolǵan, bir jyl buryn bul kórsetkish 27% bolǵan.
Bir tósek-orynnyń ortasha baǵasy – 7,6 myń teńge, jylyna 7,7%-ǵa qymbattaǵan.
2020 jyldyń qarashasy boiynsha qonaqúi qyzmetiniń baǵasy 1,8%-ǵa ǵana ósken. Baǵa Pavlodar oblysynda aitarlyqtai artqan: jylyna 16,3%. Sondai-aq alty óńirde baǵalar 1,2-6,7% aralyǵynda ósken. Atyraý oblysynda baǵa, kerisinshe, 7,4%-ǵa tómendedi. Basqa óńirlerde ózgerissiz qaldy.
Aldaǵy merekelerde shamamen 10 myń qazaqstandyq jyly aimaqtarǵa joldama satyp alǵan. Túrkiia, Egipet pen BAÁ syndy tanymal baǵyttarǵa endi Maldiv araldary qosyldy.
Kúzde 24 myń qazaqstandyq shetelde demaldy. Tamyzdan beri Qazaqstan azamattary shetelge 42 myń joldama satyp alǵan. Olardyń jartysynan kóbi saiahatqa kúz mezgilinde attanǵan. Bul byltyrǵy jyldyń osy kezeńimen salystyrǵanda eki ese kóp.
