2020 جىلدىڭ قاڭتار-جەلتوقسان ايلارىندا قوناقٷي, دەمالىس ٷيلەرٸ, موتەل جەنە سول سەكٸلدٸ باسقا دا ورىنداردىڭ قىزمەت كٶرسەتۋٸ 47,4 ملرد تەڭگەنٸ قۇراپ, بىلتىرعى جىلمەن سالىستىرعاندا 48,5%-عا تٶمەندەدٸ, دەپ حابارلايدى RANKING.KZ پورتالى.
سەكتورداعى ٶٶي (ٶنەركەسٸپتٸك ٶندٸرٸس يندەكسٸ) ەكٸ ەسەگە قىسقارىپ, بار بولعانى 50,2%-عا جەتكەن.
بىلتىرعى جىلدىڭ وسى كەزەڭٸندە كٶرسەتكٸش 92,1 ملرد تەڭگەنٸ قۇراپ, بٸر جىل بۇرىنعى كٶرسەتكٸشتەن 16,6%-عا اسىپ تٷسكەن بولاتىن.
ورنالاستىرۋ ورىندارى بويىنشا قىزمەت كٶرسەتۋدٸڭ تٶرتتەن بٸرٸ الماتىعا تيەسٸلٸ: ٷش توقساندا 11,5 ملرد تگ, بٸر جىل بۇرىنعىمەن سالىستىرعاندا ەكٸ ەسە از. ٷزدٸك ٷشتٸكتٸڭ قاتارىندا ەلوردا (8 ملرد تگ, مينۋس 58,5%) مەن اقمولا وبلىسى (4,5 ملرد تگ, مينۋس 22,9%) بار.
سولتٷستٸك قازاقستان ەڭ از قىزمەت كٶرسەتكەن وبلىس: 450,7 ملن تگ, جىلىنا مينۋس 53,4%.
جىل باسىنان بەرٸ قوناقٷي, موتەل, كەمپينگ, تۋريستٸك بازالار جەنە باسقالارى 2,6 ملن ادامدى قابىلداعان. بٸر جىل بۇرىنعىمەن سالىستىرعاندا 47,5% از.
قوناقتاردىڭ كٶبٸ مەيرامحاناسى بار قوناقٷيلەرگە توقتاعان: 1,1 ملن ادام, جىلىنا مينۋس 48,1%. تاعى 799,1 مىڭ ادام مەيرامحاناسى جوق قوناقٷيلەردٸ تاڭداسا, 437,7 مىڭ ادام بٸر قاباتتى بۋنگالو, ساياجاي, كوتتەدج بەن پەتەرلەرگە تۇراقتاعان. قوناقٷي نٶمٸرلەرٸ 19,3%-عا تولعان, بٸر جىل بۇرىن بۇل كٶرسەتكٸش 27% بولعان.
بٸر تٶسەك-ورىننىڭ ورتاشا باعاسى – 7,6 مىڭ تەڭگە, جىلىنا 7,7%-عا قىمباتتاعان.
2020 جىلدىڭ قاراشاسى بويىنشا قوناقٷي قىزمەتٸنٸڭ باعاسى 1,8%-عا عانا ٶسكەن. باعا پاۆلودار وبلىسىندا ايتارلىقتاي ارتقان: جىلىنا 16,3%. سونداي-اق التى ٶڭٸردە باعالار 1,2-6,7% ارالىعىندا ٶسكەن. اتىراۋ وبلىسىندا باعا, كەرٸسٸنشە, 7,4%-عا تٶمەندەدٸ. باسقا ٶڭٸرلەردە ٶزگەرٸسسٸز قالدى.
الداعى مەرەكەلەردە شامامەن 10 مىڭ قازاقستاندىق جىلى ايماقتارعا جولداما ساتىپ العان. تٷركييا, ەگيپەت پەن باە سىندى تانىمال باعىتتارعا ەندٸ مالديۆ ارالدارى قوسىلدى.
كٷزدە 24 مىڭ قازاقستاندىق شەتەلدە دەمالدى. تامىزدان بەرٸ قازاقستان ازاماتتارى شەتەلگە 42 مىڭ جولداما ساتىپ العان. ولاردىڭ جارتىسىنان كٶبٸ ساياحاتقا كٷز مەزگٸلٸندە اتتانعان. بۇل بىلتىرعى جىلدىڭ وسى كەزەڭٸمەن سالىستىرعاندا ەكٸ ەسە كٶپ.
