6 jeltoqsanda Qazaqstanda koronavirýs juqqany testpen dáleldengen 712 adam anyqtaldy, 33 adamǵa koronavirýs pnevmoniiasy diagnozy qoiyldy. PTR-test nátijesi oń shyqqan naýqastar arasynda bir kúnde 9 adam ólimi tirkeldi.
Ótken táýlikte Pavlodar oblysynda - 106, Shyǵys Qazaqstan oblysynda 100 adamnan koronavirýs infektsiiasy tabyldy. Osyǵan deiin ShQO birneshe apta boiy koronavirýs juqtyrǵandardyń táýliktik kórsetkishi boiynsha alda kelgen edi. Jeksenbi kúni Qostanai oblysynda - 77, Nur-Sultanda - 67, Aqmola oblysynda - 60, Batys Qazaqstan oblysynda - 43, Atyraý oblysynda - 29, Qaraǵandy jáne Almaty oblystarynda árqaisynda - 28, Jambyl oblysynda - 16, Aqtóbe oblysynda - 10, Mańǵystaý oblysynda - 5, Túrkistan oblysynda - 4, Qyzylorda oblysynda - 2, Shymkent qalasynda 2 adamnan koronavirýs infektsiiasy anyqtalǵan.
Al, 1 tamyzdan beri 43 106 adamnan koronavirýs pnevmoniiasy anyqtalǵan, 31 myńǵa jýyǵy jazylǵan, 454 adam qaitys bolǵan.
Naýryz aiynan beri 136 983 adamǵa koronavirýs juqqany testpen rastalǵan. Osy ýaqyt aralyǵynda PTR-test nátijesi oń kórsetken naýqastar arasynda 2088 adam ólimi tirkelgen. Naýryzdan beri 120 799 adam jazylǵan.
Densaýlyq saqtaý ministrliginiń aqparatyna sensek, Qazaqstanda koronavirýs infektsiiasynan 14 096 adam em qabyldap jatyr.
«Osy ýaqytta elimizdegi statsionarlarda 3 687 naýqas bar, 10 409 adam ambýlatoriialyq jaǵdaida emdelýde.
Jalpy naýqastardyń arasynda 241 adamnyń densaýlyq jaǵdaiy nashar. Sonyń ishinde 39 naýqastyń jaǵdaiy aýyr dep baǵalanýda. 33 naýqas jasandy tynys alý apparatynda jatyr», - delingen habarlamada.
