QR Syrtqy ister ministrliginiń resmi ókili Aibek Smadiiarov Ýhan qalasynda 230 qazaqstandyq stýdent oqitynyn aitady, dep habarlaidy QazAqparat.
«Karantinniń engizilýine bailanysty Qytai aýmaǵyndaǵy bizdiń azamattar úshin Beijińdegi Qazaqstan elshiligi táýlik boiy jumys isteitin jedel jeli ashty. Telefondardy elshiliktiń veb-saitynan nemese SIM saitynan qaraýǵa bolady. Qazaqstannyń Qytaidaǵy elshiliginiń jáne QR SIM saittarynda jedel aqparatty qadaǵalaýǵa jáne jergilikti bilik organdarynyń usynystaryn naqty ustanýǵa keńes beremiz», - dedi Aibek Smadiiarov.
Onyń aitýynsha, Ýhan qalasynda 230 qazaqstandyq stýdent tirkelgen.
«Búgingi tańda qalada 98 stýdent qalyp otyr. Al qalǵandary demalystyń bastalýyna bailanysty Qazaqstanǵa jáne basqa da elderge ketip qalǵan. Bizdiń diplomattar Ýhandaǵy barlyq stýdentpen bailanys ornatqan. Olar tanymal messendjerler arqyly Ýhan men Qytaidyń basqa qalalarynda qalyptasqan epidemiologiialyq jaǵdailar kezinde qabyldaý qajet saqtyq sharalary men tártip erejeleri týraly habardar etilgen. Bizdiń stýdentter oqityn JOO basshylarymen tikelei jumys bailanystary ornatylǵan. Sondai-aq, Qazaqstan elshiligi Hývei provintsiiasynyń Syrtqy ister basqarmasymen bailanysyp, ózekti aqparat almasý jáne azamattarymyzdy izdestirýge barynsha kómek kórsetý jóninde kelisimge qol jetkizdi», - dedi ol.
Aibek Smadiiarov atap ótkendei, elshilikte bar aqparat boiynsha, Qytai aýmaǵynda anyqtalǵan koronavirýstyń jańa túrinen týyndaǵan aýrýdy juqtyrǵan patsientterdiń arasynda Qazaqstan azamattary joq.
Aita ketsek, Aibek Smadiiarov buǵan deiin Qytaidaǵy koronavirýsty 830 adam juqtyryp, 25 adam kóz jumǵanyn habarlaǵan bolatyn.
