قر سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ ۋحان قالاسىندا 230 قازاقستاندىق ستۋدەنت وقيتىنىن ايتادى, دەپ حابارلايدى قازاقپارات.
«كارانتيننٸڭ ەنگٸزٸلۋٸنە بايلانىستى قىتاي اۋماعىنداعى بٸزدٸڭ ازاماتتار ٷشٸن بەيجٸڭدەگٸ قازاقستان ەلشٸلٸگٸ تەۋلٸك بويى جۇمىس ٸستەيتٸن جەدەل جەلٸ اشتى. تەلەفونداردى ەلشٸلٸكتٸڭ ۆەب-سايتىنان نەمەسە سٸم سايتىنان قاراۋعا بولادى. قازاقستاننىڭ قىتايداعى ەلشٸلٸگٸنٸڭ جەنە قر سٸم سايتتارىندا جەدەل اقپاراتتى قاداعالاۋعا جەنە جەرگٸلٸكتٸ بيلٸك ورگاندارىنىڭ ۇسىنىستارىن ناقتى ۇستانۋعا كەڭەس بەرەمٸز», - دەدٸ ايبەك سماديياروۆ.
ونىڭ ايتۋىنشا, ۋحان قالاسىندا 230 قازاقستاندىق ستۋدەنت تٸركەلگەن.
«بٷگٸنگٸ تاڭدا قالادا 98 ستۋدەنت قالىپ وتىر. ال قالعاندارى دەمالىستىڭ باستالۋىنا بايلانىستى قازاقستانعا جەنە باسقا دا ەلدەرگە كەتٸپ قالعان. بٸزدٸڭ ديپلوماتتار ۋحانداعى بارلىق ستۋدەنتپەن بايلانىس ورناتقان. ولار تانىمال مەسسەندجەرلەر ارقىلى ۋحان مەن قىتايدىڭ باسقا قالالارىندا قالىپتاسقان ەپيدەميولوگييالىق جاعدايلار كەزٸندە قابىلداۋ قاجەت ساقتىق شارالارى مەن تەرتٸپ ەرەجەلەرٸ تۋرالى حاباردار ەتٸلگەن. بٸزدٸڭ ستۋدەنتتەر وقيتىن جوو باسشىلارىمەن تٸكەلەي جۇمىس بايلانىستارى ورناتىلعان. سونداي-اق, قازاقستان ەلشٸلٸگٸ حۋۆەي پروۆينتسيياسىنىڭ سىرتقى ٸستەر باسقارماسىمەن بايلانىسىپ, ٶزەكتٸ اقپارات الماسۋ جەنە ازاماتتارىمىزدى ٸزدەستٸرۋگە بارىنشا كٶمەك كٶرسەتۋ جٶنٸندە كەلٸسٸمگە قول جەتكٸزدٸ», - دەدٸ ول.
ايبەك سماديياروۆ اتاپ ٶتكەندەي, ەلشٸلٸكتە بار اقپارات بويىنشا, قىتاي اۋماعىندا انىقتالعان كوروناۆيرۋستىڭ جاڭا تٷرٸنەن تۋىنداعان اۋرۋدى جۇقتىرعان پاتسيەنتتەردٸڭ اراسىندا قازاقستان ازاماتتارى جوق.
ايتا كەتسەك, ايبەك سماديياروۆ بۇعان دەيٸن قىتايداعى كوروناۆيرۋستى 830 ادام جۇقتىرىپ, 25 ادام كٶز جۇمعانىن حابارلاعان بولاتىن.
