Búgin QR Densaýlyq saqtaý ministrligi Úkimet úiinde baspasóz máslihatyn ótkizip, Qytaidaǵy qazaqstandyq stýdentterdiń jai-kúi týraly aqparat berdi, – dep habarlaidy «Ult aqparat».
«Qazirgi ýaqytta Ýhan qalasynda 98 qazaqstandyq stýdent bar. Qazaqstannyń Qytaidaǵy elshiligi arqyly olarmen tikelei bailanys ornatylǵan. Kúndelikti olarmen sóilesip otyr. Stýdentterde qajetti dúnieniń barlyǵy bar. Sebebi, olar oqityn ýniversitetter meditsinalyq quraldar, betperdeler syndy barlyq zattarmen qamtamasyz etip otyr. Azyq-túligi, barlyǵy jetkilikti. Qazirgi ýaqytta Premer-Ministr tapsyrmasymen bizde vedomstvolyq komissiia quryldy. Jaqynda otyrys ótti. Biz qazir stýdentterdi evakýatsiialaý máselesin pysyqtap jatyrmyz. Bul másele boiynsha Qytai tarapyna resmi nota jiberildi. Endi ushaqtyń qai marshrýtpen baratyny, qaida toqtaityny , qaidan alyp ketetini pysyqtalý barysynda», - dedi QR Syrtqy ister ministriniń birinshi orynbasary Shahrat Nuryshev.
Sonymen birge, QR Densaýlyq saqtaý ministri Eljan Birtanov Ýhannan qazaqstandyq stýdentter jetkizilgen jaǵdaida qandai sharalar qoldanylatynyn aitty.
