بٷگٸن قر دەنساۋلىق ساقتاۋ مينيسترلٸگٸ ٷكٸمەت ٷيٸندە باسپاسٶز مەسليحاتىن ٶتكٸزٸپ, قىتايداعى قازاقستاندىق ستۋدەنتتەردٸڭ جاي-كٷي تۋرالى اقپارات بەردٸ, – دەپ حابارلايدى «ۇلت اقپارات».
«قازٸرگٸ ۋاقىتتا ۋحان قالاسىندا 98 قازاقستاندىق ستۋدەنت بار. قازاقستاننىڭ قىتايداعى ەلشٸلٸگٸ ارقىلى ولارمەن تٸكەلەي بايلانىس ورناتىلعان. كٷندەلٸكتٸ ولارمەن سٶيلەسٸپ وتىر. ستۋدەنتتەردە قاجەتتٸ دٷنيەنٸڭ بارلىعى بار. سەبەبٸ, ولار وقيتىن ۋنيۆەرسيتەتتەر مەديتسينالىق قۇرالدار, بەتپەردەلەر سىندى بارلىق زاتتارمەن قامتاماسىز ەتٸپ وتىر. ازىق-تٷلٸگٸ, بارلىعى جەتكٸلٸكتٸ. قازٸرگٸ ۋاقىتتا پرەمەر-مينيستر تاپسىرماسىمەن بٸزدە ۆەدومستۆولىق كوميسسييا قۇرىلدى. جاقىندا وتىرىس ٶتتٸ. بٸز قازٸر ستۋدەنتتەردٸ ەۆاكۋاتسييالاۋ مەسەلەسٸن پىسىقتاپ جاتىرمىز. بۇل مەسەلە بويىنشا قىتاي تاراپىنا رەسمي نوتا جٸبەرٸلدٸ. ەندٸ ۇشاقتىڭ قاي مارشرۋتپەن باراتىنى, قايدا توقتايتىنى , قايدان الىپ كەتەتٸنٸ پىسىقتالۋ بارىسىندا», - دەدٸ قر سىرتقى ٸستەر مينيسترٸنٸڭ بٸرٸنشٸ ورىنباسارى شاحرات نۇرىشەۆ.
سونىمەن بٸرگە, قر دەنساۋلىق ساقتاۋ مينيسترٸ ەلجان بٸرتانوۆ ۋحاننان قازاقستاندىق ستۋدەنتتەر جەتكٸزٸلگەن جاعدايدا قانداي شارالار قولدانىلاتىنىن ايتتى.
