Qazaqstan Densaýlyq saqtaý ministrliginiń 28 naýryz 22.00-degi deregi boiynsha, elde taǵy 20 adamnan (Nur-Sultanda 18, Almaty qalasy men Aqmola oblysynda bir-bir naýqas) koronavirýs tabyldy.
Elde barlyǵy 228 adamnan virýs juqtyrdy. Ministrlik Almatyda taǵy bir naýqastyń Covid-19 dertinen aiyqqanyn habarlady. Qazirge deiin elde barlyǵy 18 adam (Nur-Sultan - 13, Almaty - 5) aýrýdan jazyldy. 26 naýryzda Aqmola oblysy Qosshy aýylynda 65 jastaǵy áiel adam koronavirýstan qaitys bolǵan.
Qazaqstanda 28 naýryz 22:00-ge deiin 78 adamnan virýs tabylǵany belgili boldy. Buǵan deiin elde bir kúnde munsha adamnan virýs tabylmaǵan.
Qazaqstanda koronavirýsqa bailanysty 15 sáýirge deiin tótenshe jaǵdai. 28 naýryzdan bastap Almaty, Nur-Sultan, Shymkent qalalarynda saqtyq sharalary kúsheitildi. Bul qalalarda jurt tek tamaq, dári alýǵa jáne jumysqa shyǵa alady. Al 30 naýryzdan – 5 sáýir aralyǵynda Nur-Sultanda demalys jariialandy. Bul aralyqta qalada qoǵamdyq kólik júrmeidi. Tek dárigerler, politseiler, organ qyzmetkerleri men kommýnaldyq qyzmet ókilderi ǵana jumysqa shyǵady. Úkimet 30 naýryzdan bastap Aqtaý qalasyn karantinge jappaq. Qalada jurttyń júrip turýyna shekteý qoiylady.
Virýs juqtyrǵan 228 adam myna qalalarda:
- Nur-Sultanda - 135 adam
- Almatyda - 59 adam
- Qaraǵandyda - 7 adam
- Aqmola oblysynda - 6 adam
- Atyraý oblysynda - 5 adam
- Almaty oblysynda - 4 adam
- Jambyl oblysynda - 3 adam
- Shymkentte - 2 adam
- Shyǵys Qazaqstan oblysynda - 2 adam
- Aqtóbe oblysynda - 1 adam
- Soltústik Qazaqstan oblysynda - 1 adam
- Pavlodar oblysynda - 1 adam
- Mańǵystaý oblysynda - 1 adam
- Qyzylorda oblysynda - 1 adam.
