قازاقستان دەنساۋلىق ساقتاۋ مينيسترلٸگٸنٸڭ 28 ناۋرىز 22.00-دەگٸ دەرەگٸ بويىنشا, ەلدە تاعى 20 ادامنان (نۇر-سۇلتاندا 18, الماتى قالاسى مەن اقمولا وبلىسىندا بٸر-بٸر ناۋقاس) كوروناۆيرۋس تابىلدى.
ەلدە بارلىعى 228 ادامنان ۆيرۋس جۇقتىردى. مينيسترلٸك الماتىدا تاعى بٸر ناۋقاستىڭ Covid-19 دەرتٸنەن ايىققانىن حابارلادى. قازٸرگە دەيٸن ەلدە بارلىعى 18 ادام (نۇر-سۇلتان - 13, الماتى - 5) اۋرۋدان جازىلدى. 26 ناۋرىزدا اقمولا وبلىسى قوسشى اۋىلىندا 65 جاستاعى ەيەل ادام كوروناۆيرۋستان قايتىس بولعان.
قازاقستاندا 28 ناۋرىز 22:00-گە دەيٸن 78 ادامنان ۆيرۋس تابىلعانى بەلگٸلٸ بولدى. بۇعان دەيٸن ەلدە بٸر كٷندە مۇنشا ادامنان ۆيرۋس تابىلماعان.
قازاقستاندا كوروناۆيرۋسقا بايلانىستى 15 سەۋٸرگە دەيٸن تٶتەنشە جاعداي. 28 ناۋرىزدان باستاپ الماتى, نۇر-سۇلتان, شىمكەنت قالالارىندا ساقتىق شارالارى كٷشەيتٸلدٸ. بۇل قالالاردا جۇرت تەك تاماق, دەرٸ الۋعا جەنە جۇمىسقا شىعا الادى. ال 30 ناۋرىزدان – 5 سەۋٸر ارالىعىندا نۇر-سۇلتاندا دەمالىس جارييالاندى. بۇل ارالىقتا قالادا قوعامدىق كٶلٸك جٷرمەيدٸ. تەك دەرٸگەرلەر, پوليتسەيلەر, ورگان قىزمەتكەرلەرٸ مەن كوممۋنالدىق قىزمەت ٶكٸلدەرٸ عانا جۇمىسقا شىعادى. ٷكٸمەت 30 ناۋرىزدان باستاپ اقتاۋ قالاسىن كارانتينگە جاپپاق. قالادا جۇرتتىڭ جٷرٸپ تۇرۋىنا شەكتەۋ قويىلادى.
ۆيرۋس جۇقتىرعان 228 ادام مىنا قالالاردا:
- نۇر-سۇلتاندا - 135 ادام
- الماتىدا - 59 ادام
- قاراعاندىدا - 7 ادام
- اقمولا وبلىسىندا - 6 ادام
- اتىراۋ وبلىسىندا - 5 ادام
- الماتى وبلىسىندا - 4 ادام
- جامبىل وبلىسىندا - 3 ادام
- شىمكەنتتە - 2 ادام
- شىعىس قازاقستان وبلىسىندا - 2 ادام
- اقتٶبە وبلىسىندا - 1 ادام
- سولتٷستٸك قازاقستان وبلىسىندا - 1 ادام
- پاۆلودار وبلىسىندا - 1 ادام
- ماڭعىستاۋ وبلىسىندا - 1 ادام
- قىزىلوردا وبلىسىندا - 1 ادام.
