Búginnen bastap Grýziianyń 7 úlken qalasynda koronavirýstyń taralýyn toqtatý maqsatynda birqatar qosymsha shekteý engiziledi, dep habarlaidy Grýziia jańalyqtary.
9 qarashadan bastap Tbilisi, Kýtaisi, Batými, Rýstavi, Zýgdidi, Gori, Poti qalalarynda kólik pen jaiaý júrginshilerdiń qozǵalysyna 22:00-den 05:00-ge deiin shekteý qoiylady.
Bul shekteý halyqaralyq júk tasymaldaryna, Meditsinalyq jáne farmatsevtikalyq qyzmetterdiń, strategiialyq nysandar men BAQ ókilderin, sondai-aq jetkizý qyzmetiniń kýrerlerin qosa alǵanda, júrip-turýy qyzmettik mindetterdi oryndaý úshin asa mańyzdy bolyp tabylatyn adamdar men kólik quraldaryna qoldanylmaidy. Degenmen, aldymen olar muny jedel shtabpen kelisýi kerek.
Grýziia Úkimeti mundai shara komendanttyq saǵat emes, taǵy bir naqty shekteý dep sanaidy.
Sonymen qatar, meditsinalyq, farmatsevtikalyq, strategiialyq nysandardan basqa barlyq uiym 22:00-ge deiin jumys isteidi.
Atalǵan qalalardaǵy memlekettik jáne jekemenshik barlyq balabaqsha 9 qarashadan bastap belgisiz merzimge jabylady.
Grýziianyń osy jeti qalasynda avtobýstar men shaǵyn avtobýstardaǵy jolaýshylar sanyna shekteýler qoiylady. Buǵan deiin vitse-premer, Grýziianyń Óńirlik damý ministrliginiń basshysy Maiia Tskitishvili túsindirgendei, qoǵamdyq kólikte turyp turýǵa tyiym salyndy.
Grýziiadaǵy epidemiologiialyq ahýal kúzdiń basynan bastap nasharlaýda. 10 qyrkúiekte eldiń premer-ministr Georgii Gahariia koronavirýstyń ekinshi tolqynynyń bastalǵany týraly málimdegen bolatyn. Premer-ministr bilik aýrýdyń taralý jaǵdaiyn tolyq baqylaýǵa alatynyna sendirdi. Sol kezde elde 24 saǵat ishinde virýs juqtyrǵandardyń rekordtyq sany anyqtalǵan bolatyn. 57 adam koronaviýrýs juqtyrǵan edi.
4 qarashada aýrýǵa shaldyqqandardyń táýliktik ósimi 2 myńnan asty. 8 qarashada ol 2 901, al koronavirýs juqtyrǵandardyń jalpy sany 57 753 boldy.
Tek 31 qazanda parlament sailaýyn ótkizgennen keiin ǵana bilik jańa shekteýlerdi engizýdi sheshti.
Jekelei alǵanda 4 qarashadan bastap jabyq ǵimarattarda da, kóshelerde de maska taǵýdy mindettegen bolatyn. 25 qarashaǵa deiin eldiń barlyq iri qalasynda oqý protsesi qashyqtan bolatyn boldy. Sondai-aq Grýziianyń barlyq meiramhanalary men kóńil kóterý ngysandaryna túngi ýaqytta 22:00-den keiin jumys isteýge tyiym salyndy.
