بٷگٸننەن باستاپ گرۋزييانىڭ 7 ٷلكەن قالاسىندا كوروناۆيرۋستىڭ تارالۋىن توقتاتۋ ماقساتىندا بٸرقاتار قوسىمشا شەكتەۋ ەنگٸزٸلەدٸ, دەپ حابارلايدى گرۋزييا جاڭالىقتارى.
9 قاراشادان باستاپ تبيليسي, كۋتايسي, باتۋمي, رۋستاۆي, زۋگديدي, گوري, پوتي قالالارىندا كٶلٸك پەن جاياۋ جٷرگٸنشٸلەردٸڭ قوزعالىسىنا 22:00-دەن 05:00-گە دەيٸن شەكتەۋ قويىلادى.
بۇل شەكتەۋ حالىقارالىق جٷك تاسىمالدارىنا, مەديتسينالىق جەنە فارماتسەۆتيكالىق قىزمەتتەردٸڭ, ستراتەگييالىق نىساندار مەن باق ٶكٸلدەرٸن, سونداي-اق جەتكٸزۋ قىزمەتٸنٸڭ كۋرەرلەرٸن قوسا العاندا, جٷرٸپ-تۇرۋى قىزمەتتٸك مٸندەتتەردٸ ورىنداۋ ٷشٸن اسا ماڭىزدى بولىپ تابىلاتىن ادامدار مەن كٶلٸك قۇرالدارىنا قولدانىلمايدى. دەگەنمەن, الدىمەن ولار مۇنى جەدەل شتابپەن كەلٸسۋٸ كەرەك.
گرۋزييا ٷكٸمەتٸ مۇنداي شارا كومەندانتتىق ساعات ەمەس, تاعى بٸر ناقتى شەكتەۋ دەپ سانايدى.
سونىمەن قاتار, مەديتسينالىق, فارماتسەۆتيكالىق, ستراتەگييالىق نىسانداردان باسقا بارلىق ۇيىم 22:00-گە دەيٸن جۇمىس ٸستەيدٸ.
اتالعان قالالارداعى مەملەكەتتٸك جەنە جەكەمەنشٸك بارلىق بالاباقشا 9 قاراشادان باستاپ بەلگٸسٸز مەرزٸمگە جابىلادى.
گرۋزييانىڭ وسى جەتٸ قالاسىندا اۆتوبۋستار مەن شاعىن اۆتوبۋستارداعى جولاۋشىلار سانىنا شەكتەۋلەر قويىلادى. بۇعان دەيٸن ۆيتسە-پرەمەر, گرۋزييانىڭ ٶڭٸرلٸك دامۋ مينيسترلٸگٸنٸڭ باسشىسى ماييا تسكيتيشۆيلي تٷسٸندٸرگەندەي, قوعامدىق كٶلٸكتە تۇرىپ تۇرۋعا تىيىم سالىندى.
گرۋزيياداعى ەپيدەميولوگييالىق احۋال كٷزدٸڭ باسىنان باستاپ ناشارلاۋدا. 10 قىركٷيەكتە ەلدٸڭ پرەمەر-مينيستر گەورگيي گاحارييا كوروناۆيرۋستىڭ ەكٸنشٸ تولقىنىنىڭ باستالعانى تۋرالى مەلٸمدەگەن بولاتىن. پرەمەر-مينيستر بيلٸك اۋرۋدىڭ تارالۋ جاعدايىن تولىق باقىلاۋعا الاتىنىنا سەندٸردٸ. سول كەزدە ەلدە 24 ساعات ٸشٸندە ۆيرۋس جۇقتىرعانداردىڭ رەكوردتىق سانى انىقتالعان بولاتىن. 57 ادام كوروناۆيۋرۋس جۇقتىرعان ەدٸ.
4 قاراشادا اۋرۋعا شالدىققانداردىڭ تەۋلٸكتٸك ٶسٸمٸ 2 مىڭنان استى. 8 قاراشادا ول 2 901, ال كوروناۆيرۋس جۇقتىرعانداردىڭ جالپى سانى 57 753 بولدى.
تەك 31 قازاندا پارلامەنت سايلاۋىن ٶتكٸزگەننەن كەيٸن عانا بيلٸك جاڭا شەكتەۋلەردٸ ەنگٸزۋدٸ شەشتٸ.
جەكەلەي العاندا 4 قاراشادان باستاپ جابىق عيماراتتاردا دا, كٶشەلەردە دە ماسكا تاعۋدى مٸندەتتەگەن بولاتىن. 25 قاراشاعا دەيٸن ەلدٸڭ بارلىق ٸرٸ قالاسىندا وقۋ پروتسەسٸ قاشىقتان بولاتىن بولدى. سونداي-اق گرۋزييانىڭ بارلىق مەيرامحانالارى مەن كٶڭٸل كٶتەرۋ نگىساندارىنا تٷنگٸ ۋاقىتتا 22:00-دەن كەيٸن جۇمىس ٸستەۋگە تىيىم سالىندى.
