QR Energetika ministri Nurlan Noǵaev otyn-energetika keshenine koronavirýstyń áseri jaiynda aityp berdi, dep habarlaidy QazAqparat.
«Álemdi jailaǵan koronavirýs indetiniń otyn-energetika keshenine áseri jóninde toqtalmaqpyn. Bul indet bizdiń salaǵa da keri áserin tigizdi. Osy saladaǵy 10 700 adam koronavirýsqa shaldyǵyp, 9 529 adam saýyǵyp ketti. Qazirgi kezde qalǵandary emdelip jatyr», - dedi ministr Ortalyq kommýnikatsiialar qyzmetinde.
Taratylǵan málimetke qaraǵanda, munai-gaz salasynda qyzmet etetin 9 123 adam, ýran salasynda – 990 adam, energetika baǵytynda 682 adam indet juqtyrǵan.
Osy oraida ol Úkimet basshysynyń tapsyrmasy boiynsha ministrlikte arnaiy shtab qurylǵanyn, onda bul saladaǵy barlyq kompaniialardaǵy kúndelikti aqparatqa sáikes qajetti sheshimder qabyldanǵanyn jetkizdi.
«Memleket basshysynyń bergen tapsyrmasy aiasynda memlekettik komissiianyń qabyldaǵan sheshimderin oryndai otyryp, óz tarapymyzdan otyn-energetika kesheniniń turaqty jumysyn jalǵastyrýǵa, azamattardyń jumystap shyǵyp qalmaýyna qatysty usynystardy engizdik. Osy oraida oń nátijege qol jetkizildi», - dedi N. Noǵaev.
