Foto: ashyq derekkóz
Álemge tanymal ánshi Dimash Qudaibergen qazaq tiliniń qadirin túsinbeitinderge shúilikti. Ol Instagram jelisinde jariialaǵan málimdemesinde «óz tilinen uialý – tamyrdan ajyraý» dep qatań eskertý jasap, belgili sarapshy Oljas Baidildinovti ashyq synady, dep habarlaidy Ult.kz.
"Biz, qazaqtar, álemniń barlyq tilin qurmetteimiz. Biraq qurmet eń aldymen ózińnen bastalady. Ózgege unaý úshin óz tilinen uialatyn adam sózin emes, tamyryn joǵaltady", – dep jazdy ol Instagram storisinde.
Osydan keiin Dimash sarapshy Oljas Baidildinovke qarata til qatty:
"Oljas, sen sekildi arandatýshyny jumystan shyǵaryp jiberedi dep úmittenemin, óitkeni sen qorqaq kishkentai balanyń tirligin jasadyń. Sen qazaqsha túsinbeitindikten, men de muny qazaqsha jazbadym", – dep syn aitty ánshi.
Ánshiniń synyna Oljas Baidildinovtiń sarapshy retinde sóilegen sózi sebepshi bolǵan. Onda ol Qazaqstannan ońtústik elderde orys tilinde sóilemeidi, sol sebepti Resei úshin «migranttardyń sapasy tómendep jatyr» degen pikir bildirgen.
Esterińizge sala keteiik, buǵan deiin Oljas Baidildinov qoǵamdyq kóliktegi jolaqy baǵasyn kóterý týraly pikir bildirip, "Astana men Almatydaǵy avtobýs bileti 500 teńge bolýy kerek" degen usynys aitqan edi.
Ol qazirgi sýbsidiialaý júiesin tiimsiz ári jemqorlyqqa jol ashatyn tetik dep baǵalap, naryqtyq erkin baǵa engizýdi jáne jolaqyny júrip ótken qashyqtyqqa qarai esepteý qajettigin usynǵan bolatyn.
