فوتو: اشىق دەرەككٶز
ەلەمگە تانىمال ەنشٸ ديماش قۇدايبەرگەن قازاق تٸلٸنٸڭ قادٸرٸن تٷسٸنبەيتٸندەرگە شٷيلٸكتٸ. ول Instagram جەلٸسٸندە جارييالاعان مەلٸمدەمەسٸندە «ٶز تٸلٸنەن ۇيالۋ – تامىردان اجىراۋ» دەپ قاتاڭ ەسكەرتۋ جاساپ, بەلگٸلٸ ساراپشى ولجاس بايدٸلدينوۆتٸ اشىق سىنادى, دەپ حابارلايدى Ult.kz.
"بٸز, قازاقتار, ەلەمنٸڭ بارلىق تٸلٸن قۇرمەتتەيمٸز. بٸراق قۇرمەت ەڭ الدىمەن ٶزٸڭنەن باستالادى. ٶزگەگە ۇناۋ ٷشٸن ٶز تٸلٸنەن ۇيالاتىن ادام سٶزٸن ەمەس, تامىرىن جوعالتادى", – دەپ جازدى ول Instagram ستوريسٸندە.
وسىدان كەيٸن ديماش ساراپشى ولجاس بايدٸلدينوۆكە قاراتا تٸل قاتتى:
"ولجاس, سەن سەكٸلدٸ ارانداتۋشىنى جۇمىستان شىعارىپ جٸبەرەدٸ دەپ ٷمٸتتەنەمٸن, ٶيتكەنٸ سەن قورقاق كٸشكەنتاي بالانىڭ تٸرلٸگٸن جاسادىڭ. سەن قازاقشا تٷسٸنبەيتٸندٸكتەن, مەن دە مۇنى قازاقشا جازبادىم", – دەپ سىن ايتتى ەنشٸ.
ەنشٸنٸڭ سىنىنا ولجاس بايدٸلدينوۆتٸڭ ساراپشى رەتٸندە سٶيلەگەن سٶزٸ سەبەپشٸ بولعان. وندا ول قازاقستاننان وڭتٷستٸك ەلدەردە ورىس تٸلٸندە سٶيلەمەيدٸ, سول سەبەپتٸ رەسەي ٷشٸن «ميگرانتتاردىڭ ساپاسى تٶمەندەپ جاتىر» دەگەن پٸكٸر بٸلدٸرگەن.
ەستەرٸڭٸزگە سالا كەتەيٸك, بۇعان دەيٸن ولجاس بايدٸلدينوۆ قوعامدىق كٶلٸكتەگٸ جولاقى باعاسىن كٶتەرۋ تۋرالى پٸكٸر بٸلدٸرٸپ, "استانا مەن الماتىداعى اۆتوبۋس بيلەتٸ 500 تەڭگە بولۋى كەرەك" دەگەن ۇسىنىس ايتقان ەدٸ.
ول قازٸرگٸ سۋبسيدييالاۋ جٷيەسٸن تيٸمسٸز ەرٸ جەمقورلىققا جول اشاتىن تەتٸك دەپ باعالاپ, نارىقتىق ەركٸن باعا ەنگٸزۋدٸ جەنە جولاقىنى جٷرٸپ ٶتكەن قاشىقتىققا قاراي ەسەپتەۋ قاجەتتٸگٸن ۇسىنعان بولاتىن.
