Qazaqstanǵa Shveitsariiadan 390 mln teńgeden astam qarajat qaitaryldy, dep habarlaidy QR SIM baspasóz qyzmeti.
«2020 jylǵy 14 qyrkúiekte Shveitsariianyń Federaldyq biligi «Qorǵas isi» boiynsha uiymdasqan qylmystyq qoǵamdastyq músheleri jymqyryp, shetelge shyǵarǵan 390 mln teńgeden astam qarajatty Qazaqstanǵa qaitardy» delingen habarlamada.
Atalǵan qarajat 2012 jyldan beri halyqaralyq izdeýde júrgen qylmystyq uiymdasqan toptyń belsendi músheleriniń biri Maǵzum Ábdiralievke tiesili sheteldik kompaniianyń Shveitsariia bankindegi shotynda bolǵan.
Shveitsariiadan Ábdiralievtiń qylmystyq aktivterin qaitarý boiynsha jumys 2018 jyldan beri júrgizilgen.
Buǵan deiin 2019 jyly osy is boiynsha memleket kirisine Shveitsariiadan 140 mln teńge qaitarylǵan bolatyn.
Osylaisha, osy is boiynsha Shveitsariiadan memlekettik biýdjetke shetelden aktivterdi qaitarý boiynsha jumys sheńberinde túsken qarajattyń jalpy somasy shamamen 530 mln teńgeni (1,3 mln AQSh dollarynan astam) quraidy.
