قازاقستانعا شۆەيتسارييادان 390 ملن تەڭگەدەن استام قاراجات قايتارىلدى, دەپ حابارلايدى قر سٸم باسپاسٶز قىزمەتٸ.
«2020 جىلعى 14 قىركٷيەكتە شۆەيتسارييانىڭ فەدەرالدىق بيلٸگٸ «قورعاس ٸسٸ» بويىنشا ۇيىمداسقان قىلمىستىق قوعامداستىق مٷشەلەرٸ جىمقىرىپ, شەتەلگە شىعارعان 390 ملن تەڭگەدەن استام قاراجاتتى قازاقستانعا قايتاردى» دەلٸنگەن حابارلامادا.
اتالعان قاراجات 2012 جىلدان بەرٸ حالىقارالىق ٸزدەۋدە جٷرگەن قىلمىستىق ۇيىمداسقان توپتىڭ بەلسەندٸ مٷشەلەرٸنٸڭ بٸرٸ ماعزۇم ەبدٸراليەۆكە تيەسٸلٸ شەتەلدٸك كومپانييانىڭ شۆەيتسارييا بانكٸندەگٸ شوتىندا بولعان.
شۆەيتسارييادان ەبدٸراليەۆتٸڭ قىلمىستىق اكتيۆتەرٸن قايتارۋ بويىنشا جۇمىس 2018 جىلدان بەرٸ جٷرگٸزٸلگەن.
بۇعان دەيٸن 2019 جىلى وسى ٸس بويىنشا مەملەكەت كٸرٸسٸنە شۆەيتسارييادان 140 ملن تەڭگە قايتارىلعان بولاتىن.
وسىلايشا, وسى ٸس بويىنشا شۆەيتسارييادان مەملەكەتتٸك بيۋدجەتكە شەتەلدەن اكتيۆتەردٸ قايتارۋ بويىنشا جۇمىس شەڭبەرٸندە تٷسكەن قاراجاتتىڭ جالپى سوماسى شامامەن 530 ملن تەڭگەنٸ (1,3 ملن اقش دوللارىنان استام) قۇرايدى.
