Foto: Qorǵanys ministrligi
Qorǵanys ministriniń tárbie jáne ideologiialyq jumys jónindegi orynbasary general-maior Shaih-Hasan Jazyqbaev, «Ortalyq Aziia óńiriniń kognitivti-minez-qulyq terapiiasy qaýymdastyǵy» QB tóraǵasy Jannat Nurkina jáne «International Academy of Emotional Intelligence» JShS direktory Ásel Muratova úsh jaqty qujatqa qol qoidy, dep habarlaidy Ult.kz.
General-maior Shaih-Hasan Jazyqbaev áriptesterine azamattyq ustanymy men aldyn alý jáne oqytý sharalaryn ótkizýge kómek kórsetýge daiyn ekendigi úshin rizashylyǵyn bildirdi. Ol kezdesýge qatysýshylardy Qarýly kúshterde jumys isteitin kóp deńgeili psihologiialyq jumys júiesimen tanystyrdy.
"Qorǵanys ministrligi jaǵymsyz áreketterdiń aldyn alýǵa baǵyttalǵan sharalardy turaqty túrde qabyldaidy. Sizdiń uiymdaryńyzben yntymaqtastyq, tájiribe almasý mamandardyń kásibi deńgeiin arttyrýǵa, nátijesinde áskeri ujymdardaǵy psihologiialyq ahýaldy jaqsartýǵa yqpal eteri anyq", – dedi ministrdiń orynbasary.
Kezdesý barysynda Jannat Nurkina men Ásel Muratova qorǵanys vedomstvosyna ádistemelik kómek kórsetý úshin óz mekemeleriniń qyzmet erekshelikteri men resýrstary týraly aityp berdi. Budan ózge taraptar memorandým erejelerin praktikalyq baǵytqa kóshirý jóninde óz usynystaryn bildirdi.
Qujatqa sáikes uiymdar qorǵanys vedomstvosynyń psihologiialyq qyzmetiniń mamandary úshin aqysyz onlain-vebinarlar men seminarlar ótkizýge daiyn. Olar qorqytýdyń, qumar oiynnyń, ózine-ózi qol jumsaýdyń, sondai-aq áskeri qyzmetshilerdiń emotsiiaǵa berilip ketýdiń aldyn alýǵa bailanysty kóptegen máselelerdi qarastyrady. Sonymen qatar oflain formatta kezdesýler, forýmdar men konferentsiialar ótkizý de kózdelgen.
Aita keteiik, buǵan deiin Qaýipsizdik komiteti sarbazdar arasyndaǵy sýitsidtiń resmi statistikasyn usynǵan bolatyn.
