فوتو: قورعانىس مينيسترلٸگٸ
قورعانىس مينيسترٸنٸڭ تەربيە جەنە يدەولوگييالىق جۇمىس جٶنٸندەگٸ ورىنباسارى گەنەرال-مايور شايح-حاسان جازىقباەۆ, «ورتالىق ازييا ٶڭٸرٸنٸڭ كوگنيتيۆتٸ-مٸنەز-قۇلىق تەراپيياسى قاۋىمداستىعى» قب تٶراعاسى جاننات نۇركينا جەنە «International Academy of Emotional Intelligence» جشس ديرەكتورى ەسەل مۇراتوۆا ٷش جاقتى قۇجاتقا قول قويدى, دەپ حابارلايدى Ult.kz.
گەنەرال-مايور شايح-حاسان جازىقباەۆ ەرٸپتەستەرٸنە ازاماتتىق ۇستانىمى مەن الدىن الۋ جەنە وقىتۋ شارالارىن ٶتكٸزۋگە كٶمەك كٶرسەتۋگە دايىن ەكەندٸگٸ ٷشٸن ريزاشىلىعىن بٸلدٸردٸ. ول كەزدەسۋگە قاتىسۋشىلاردى قارۋلى كٷشتەردە جۇمىس ٸستەيتٸن كٶپ دەڭگەيلٸ پسيحولوگييالىق جۇمىس جٷيەسٸمەن تانىستىردى.
"قورعانىس مينيسترلٸگٸ جاعىمسىز ەرەكەتتەردٸڭ الدىن الۋعا باعىتتالعان شارالاردى تۇراقتى تٷردە قابىلدايدى. سٸزدٸڭ ۇيىمدارىڭىزبەن ىنتىماقتاستىق, تەجٸريبە الماسۋ مامانداردىڭ كەسٸبي دەڭگەيٸن ارتتىرۋعا, نەتيجەسٸندە ەسكەري ۇجىمدارداعى پسيحولوگييالىق احۋالدى جاقسارتۋعا ىقپال ەتەرٸ انىق", – دەدٸ مينيستردٸڭ ورىنباسارى.
كەزدەسۋ بارىسىندا جاننات نۇركينا مەن ەسەل مۇراتوۆا قورعانىس ۆەدومستۆوسىنا ەدٸستەمەلٸك كٶمەك كٶرسەتۋ ٷشٸن ٶز مەكەمەلەرٸنٸڭ قىزمەت ەرەكشەلٸكتەرٸ مەن رەسۋرستارى تۋرالى ايتىپ بەردٸ. بۇدان ٶزگە تاراپتار مەموراندۋم ەرەجەلەرٸن پراكتيكالىق باعىتقا كٶشٸرۋ جٶنٸندە ٶز ۇسىنىستارىن بٸلدٸردٸ.
قۇجاتقا سەيكەس ۇيىمدار قورعانىس ۆەدومستۆوسىنىڭ پسيحولوگييالىق قىزمەتٸنٸڭ ماماندارى ٷشٸن اقىسىز ونلاين-ۆەبينارلار مەن سەمينارلار ٶتكٸزۋگە دايىن. ولار قورقىتۋدىڭ, قۇمار ويىننىڭ, ٶزٸنە-ٶزٸ قول جۇمساۋدىڭ, سونداي-اق ەسكەري قىزمەتشٸلەردٸڭ ەموتسيياعا بەرٸلٸپ كەتۋدٸڭ الدىن الۋعا بايلانىستى كٶپتەگەن مەسەلەلەردٸ قاراستىرادى. سونىمەن قاتار وفلاين فورماتتا كەزدەسۋلەر, فورۋمدار مەن كونفەرەنتسييالار ٶتكٸزۋ دە كٶزدەلگەن.
ايتا كەتەيٸك, بۇعان دەيٸن قاۋٸپسٸزدٸك كوميتەتٸ ساربازدار اراسىنداعى سۋيتسيدتٸڭ رەسمي ستاتيستيكاسىن ۇسىنعان بولاتىن.
